ढाबा म दारू पियावत सपड़ाईस संचालक, पुलिस करिस  गिरफ्तार

बिलासपुर, 27 मई 2024। कोनी कोति तुर्काडीह चौक म संचालित ढाबा के आड़ म शराब के अवैध बिक्री के शिकायत पुलिस मेर आवत आवत रहिस। ये बात उपर पुलिस ह कार्यवाही करिस त ढाबा संचालक के कब्जा ले 52 पाव देसी दारू जब्त करे गीस। आरोपित ढाबा संचालक के खिलाफ आबकारी एक्ट के तहत कार्रवाई करे गए हे। कोनी पुलिस ल सूचना मिले रहिस कि तुरकाडीह चौक स्थित बबलु भाउ के ढाबा म ग्राहक मन ल शराब बेंचे जात हे। ए बात उपर पुलिस के टीम ह मौका म दबिश देके संचालक जितेंद्र वाधवानी (24) ल हिरासत म ले लीस। पूछताछ म वो ह गोलमोल जवाब देवत रहिस। कड़ाई करे म ओ हर दारू लुकाके रखना बताइस। आरोपित के निशानदेही म पुलिस ह 52 पाव देसी शराब जब्त करिस। आरोपित ढाबा संचालक के खिलाफ आबकारी एक्ट के तहत कार्रवाई करे गए हे।