सोलर होमलाइट ले कोंटा के दूरस्थ गांव मन के लइका मन म फैलही शिक्षा के उजियारा

सुकमा, 29 फरवरी 2024। सरकार के जनता के प्रति संवेदनशीलता हर दिन के कार्यकलाप के बारीकी मन म दिखथे। जब सुकमा जिला के कोंटा गांव ले आए स्कूली लइका मन मुख्यमंत्री श्री विष्णु देव साय ले मिलीन त उमन लइका मन ल सोलर होम लाइट उपहार म दीन।
ये ह लइका मन के जीवन म शिक्षा के उजियारा फैलाही अऊ लइका मन ल तकनीक ले जुड़े के सीख घलोक देही कि कइसे उंखर प्राकृतिक दुनिया के संग ही आधुनिक दुनिया घलोक चमत्कार ले भरे हे दुनों ले सीखत चलहीं त उज्ज्वल भविष्य के रद्दा अपन आप खुलत जाही। मुख्यमंत्री श्री साय ह आज राजधानी रायपुर के स्‍वामी विवेकानंद विमानतल परिसर म सुकमा के सुदूर अंचल के 50 पढ़ईया लईका मन ल सोलर होम लाइट संयंत्र बांटिन।
मुख्यमंत्री श्री विष्णु देव साय ह ए बेरा म कहिन कि हमर सरकार के प्रयास हे कि लइका मन के भविष्य उज्ज्वल होवय। बस्तर के पूरा विकास हमर प्राथमिकता हे। छत्तीसगढ़ सरकार बस्तर के आदिवासी अंचल के नागरिक मन ल सबो सुविधा पहुंचाए बर प्रतिबद्ध हे। बस्तर के विकास बर हमन नियद नेल्ला नार- आप मन के अच्छा गांव योजना शुरू करे हन। ए योजना के मकसद हे के शासन के चलाए जात सबो योजना मन के लाभ आदिवासी अंचल म रहइया जम्‍मो मनखे मन ल सुगमता ले मिलय। मुख्यमंत्री श्री विष्णुदेव साय ह ये बात आज इहां राजधानी रायपुर के स्‍वामी विवेकानंद विमानतल परिसर म सुकमा जिला के कोंटा विकासखंड ले राजधानी रायपुर भ्रमण म आए पढ़ईया लईका मन ल संबोधित करत कहीन। मुख्यमंत्री श्री साय ह ए बेरा म सुकमा जिला के 50 पढ़ईया लईका मन ल शैक्षणिक काम बर सोलर होम लाइट संयंत्र वितरित करिन।