कोरबा : गोधन न्याय योजना के तहत वर्मी खाद बेचके महिला मन ह करिन 4 लाख 65 हजार रूपिया के कमाई

कोरबा, छत्तीसगढ़ शासन के महत्वाकांक्षी गोधन न्याय योजना के सकारात्मक परिणाम सरलग दिखाई देवत हे। जनपद पंचायत कटघोरा के ग्राम पंचायत कोरई के भगवती स्व-सहायता समूह के महिला मन ह गोठान म 1187 क्विंटल वर्मी खाद बना के ओला बेचके 04 लाख 65 हजार 304 रूपिया के कमाई करे हें। जेखर से महिला मन के आर्थिक स्थिति मजबूत होए हे। वर्मी खाद ले लाभ अर्जित कर ग्रामीण महिला मन खुस हे। कलेक्टर श्री संजीव कुमार झा के दिशा-निर्देशन म जिला म गोधन न्याय योजना के सफल क्रियान्वयन बर योजना के सतत् समीक्षा करे जात हे अऊ सघन दौरा करके योजना के काम मन के मॉनिटरिंग घलोक करे जात हे। जेखर आशातीत परिणाम फील्ड म देखे ल मिलत हे। सीईओ जिला पंचायत श्री नूतन कुमार कंवर ह बताइस कि गोधन न्याय योजना ले जिहां शहरी अऊ ग्रामीण मनखे मन ल गोबर बेचके आर्थिक लाभ मिलत हे। उहें दुसर कोति स्व-सहायता समूह के ग्रामीण महिला मन गुणवत्तापूर्ण जैविक खाद बनाए के बाद ओला बेचके लाखों रुपए के लाभ अर्जित करत हें, जेखर से ग्रामीण अर्थव्यवस्था ल घलोक मजबूती मिलत हे।