कोरबा जिला छत्तीसगढ़ के एक सुंदर, स्वस्थ अऊ शिक्षित जिला बनही: मुख्यमंत्री श्री भूपेश बघेल

कोरबा, 02 मार्च 2021। मुख्यमंत्री श्री भूपेश बघेल ह कहे हें के कोरबा जिला ह अधोसंरचना विकास, पर्यटन, शिक्षा अऊ अब चिकित्सा के क्षेत्र म घलोक विकास के नवा दिशा पकड़ही। राज्य सरकार के ये उदीम हे के कोरबा जिला छत्तीसगढ़ के एक सुंदर, स्वस्थ अऊ शिक्षित जिला बनय। उमन कहिन के ये छत्तीसगढ़ के इतिहास म पहली पईत हे जब एक साल म छत्तीसगढ़ ल चार शासकीय मेडिकल कॉलेज मिलत हे। एमां ले एक साल म कोरबा, कांकेर अऊ महासमुन्द म तीन नवा मेडिकल कॉलेज के स्वीकृति मिले हे। एखर संगे संग चंदूलाल चंद्राकर स्मृति चिकित्सा महाविद्यालय ल अधिग्रहण करे के निर्णय लेहे गए हे। एखर से प्रदेश म चिकित्सा शिक्षा अऊ चिकित्सा सुविधा ल बेहतर बनाए म मदद मिलही। मुख्यमंत्री श्री बघेल आज इहां विधानसभा स्थित अपन कार्यालय कक्ष ले कोरबा मेडिकल कॉलेज के वीडियो कॉन्फ्रेंसिंग के संग शुभारंभ अऊ मेडिकल कॉलेज के नवा भवन के भूमि पूजन करे के बाद समारोह ल संबोधित करत रहिन।