मुख्यमंत्री श्री भूपेश बघेल ह करिस कोरबा मेडिकल कॉलेज के नवा भवन के भूमिपूजन

124 एकड़ म 325 करोड़ रुपिया के लागत ले तियार होही कोरबा के स्व. बिसाहूदास महंत मेमोरियल मेडिकल कॉलेज
रायपुर, 29 जुलाई 2023
मुख्यमंत्री श्री भूपेश बघेल ह आज कोरबा जिला ल एक बडडे़ सौगात देत हुए स्व. बिसाहूदास महंत स्मृति मेडिकल कॉलेज कोरबा के नवा भवन के नींव राखिस। मेडिकल कॉलेज के नवा भवन निर्माण ब कोरबा जिला के ग्राम भुलसीडीह, तहसील-भैंसमा म 124.24 एकड़ भूमि ले आवंटन करिस गइस हे। एकर निर्माण ब 325 करोड के बजट स्वीकृत करे गइस। शासकीय चिकित्सा महाविद्यालय कोरबा के उद्घाटन दिनांक 02 मार्च 2021 के मुख्यमंत्री श्री भूपेश बघेल ह करिस । स्थानीय लोगन मन के मांग अनुसार कोरबा मेडिकल कॉलेज के नामकरण स्व. बिसाहू दास महंत के नाम म रखे गइस हे।
ए महाविद्यालय ल सत्र 2022-23 ब एम.बी.बी.एस. के 100 सीट के प्रथम मान्यता दिनांक 09 सितंबर 2022 के मिलिस। वर्तमान म ए महाविद्यालय म 121 छात्र-छात्रा मेडिकल के पढ़ई करत हे। चिकित्सा महाविद्यालय म 23 ठ विभाग म लगभग 130 चिकित्सक कार्यरत हावय।
स्व. बिसाहू दास महंत स्मृति चिकित्सा महाविद्यालय संबद्ध इंदिरा गांधी चिकित्सालय कोरबा म 357 बिस्तर के चिकित्सालय संचालित हे, जेमा विभिन्न प्रकार के जटिल रोग के ईलाज होवत हे। पहिली ईलाज ब बड़े शहर मन म निर्भर रहे ल परय। फेर अब जटिल ले जटिल बीमारी के उपचार मेडिकल कॉलेज कोरबा म होवत हे।
Neha Rathore