कोरिया 22 जुलाई 2024। जिला के कलेक्टर श्री विनय कुमार लंगेह ह जिला म संचालित स्वास्थ्य केंद्र मन, स्कूल मन, छात्रावास मन अऊ आंगनवाड़ी केंद्र मन के नियमित निरीक्षण करे बर कई विभाग के अधिकारी मन ल पाछू हुकुम देहे रहिन।
हुकुम के असर आज देखे ल मिलीस जब सोनहत विकासखण्ड के आदिवासी बालक आश्रम, बंशीपुर, घुघरा, प्री-मेट्रिक आदिवासी बालक छात्रावास, शासकीय पूर्व माध्यमिक विद्यालय व आंगनवाड़ी केंद्र मन के निरीक्षण ग्रामीण यांत्रिकी सेवा के कार्यपालन अभियंता श्री अनिल मिश्रा अउ सोनहत तहसीलदार श्री पी.एन. कोसिस कोति ले करे गीस। ए अधिकारी मन कोति ले करे गए निरीक्षण के जानकारी सम्बंधित विभाग ल उपलब्ध कराए जाही।
कलेक्टर श्री लंगेह ह कहिन के ये संस्थान मन के नियमित निरीक्षण करे ले उहां के समस्या, जरूरत अऊ सुविधा मन के सटीक आकलन करे जा सकही। जांच के समय डॉक्टर, स्टाफ, शिक्षक-शिक्षिका, छात्र-छात्रा, आंगनवाड़ी कार्यकर्ता अऊ आन कर्मचारी मन के उपस्थिति, साफ-सफाई, दवइ के उपलब्धता, गरम भोजन, पेयजल, बिजली अऊ शौचालय जइसे बुनियादी सुविधा मन के स्थिति के जांच हो पाही। उमन अधिकारी मन ल निर्देशित करे हें के ओ मन जिम्मेदारीपूर्वक अऊ गुणवत्तापूर्ण निरीक्षण करंय।
