स्वाद अउ सेहत के जादू बगरात हे कोरिया मिलेट्स कैफे, मिलेट्स ले बने तीखा- मीठा व्यंजन भाथ हे जिलावासी मन ल

सुघ्घर प्राकृतिक छटा, मनमोहक वातावरण के बीच बड़ संख्या म पहुँचत हे लोग, महज छः दिन म 80 हजार ले जादा के होइस बेचरी
कोरिया, कोरिया मिलेट्स कैफे, नाम सुनत ही खूबसूरत वातावरण के बीच स्वादिष्ट व्यंजन के तस्वीर मनमस्तिष्क म छा जाथ हे। जिला कलेक्टरेट के आघू ले निकले वाले हर व्यक्ति ए कैफे कती स्वतः ही आकर्षित होवत हे। कैफे के सुरुआत हुए छः दिन बड़ होए हे अउ तब ले इहां लोग मन के भीड़ देखत ही बनत हे।
कोरिया मिलेट्स कैफे के संचालक समूह रोशनी स्व सहायता समूह के दीदी ह बताइस कि कैफे के सुरुआत ले बड़ संख्या म लोग मन इहां आथ हे अउ व्यंजन ल अबड़ पसंद करत हे, ग्राहक मन करा से इहां एक फीडबैक फॉर्म तको भरवाय जाथ हे, जेन म हमन ल काफी अच्छा फीडबैक मिलत हे। ओ ह बताइस कि हमन स्वयं कैफे म आए वाले लोग मन ले पसंद-नापसंद के बारे म पूछथन , ताकि लोग मन ल अउ बढ़िया सुविधा मिल सकय।कैफे के सुन्दरता ले युवा मन काफी प्रभावित होवत हे , बड़े शहर के तर्ज म बने ए कैफे के माहौल सब्बो झन ल मन आथ हे। ओ ह बताइस कि अब तक ओमन ह 80 हजार ले अधिक के बिक्री करे हे।
का कईथे ग्राहक मन-
ए कैफे म आए वाले ग्राहक तको स्वास्थ्य के प्रति सजग अउ खाने के शौकीन लोग हे। ईहां सबले लोकप्रिय व्यंजन म मिलेट चीला, डोसा, मिलेट थाली अउ ज्वार के गुलाब जामुन हे अउ एमन के सर्वाधिक बिक्री होथे। कोरिया मिलेट्स कैफे के नियमित ग्राहक अरविंद काल ह बताइस कि कैफे म रागी अउ बाजरा ले बने चिला ओकर पसंदीदा व्यंजन हे अउ ए ह स्वादिष्ट होए के संग संग पौष्टिक घलो हे। इ प्रकार एक झन आने ग्राहक ह बताइस कि ओला अबड़ समय ले डायबिटीज के समस्या हे, जेमा खान-पान म विशेष ध्यान के जरूरत होथे, कोरिया मिलेट्स कैफे म मिले वाले भोजन ओकर ब बहुत ही फायदेमंद होही।