मंत्री श्री रामविचार नेताम के हाथ मिलीस घर के चाबी, अभिनन्दन पत्र ले होइस सम्मान
लटमा गांव के बुजुर्ग ह प्रधानमंत्री ल लिखे पत्र म जताइन आभार
कोरिया, कच्चा मकान म हर बारिश के संग गिरे के डर अऊ सालों ले असुरक्षित जीवन जीयत सियनहा जलजीत के चेहरा म अब सुकून अऊ संतोष के झलक हे। प्रधानमंत्री आवास योजना के तहत मिले पक्का मकान ह वोखर जीवन म स्थायित्व अऊ सुरक्षा के नवा अध्याय जोड़े हे।
सोनहत विकासखण्ड के ग्राम लटमा निवासी करीब 66 बछर के जलजीत, जे ह कभू पक्का घर के सपना घलोक नइ देखे रहिस, आज प्रधानमंत्री आवास योजना के तहत बने अपन नवा मकान म सुरक्षित जीवन बितावत हे। 18 अकटूबर के जिला पंचायत के आडिटोरियम म आयोजित आवास मेला म छत्तीसगढ़ शासन के आदिम जाति विकास, अनुसूचित जाति विकास, पिछड़ा वर्ग अउ अल्पसंख्यक विकास, कृषि विकास अउ किसान कल्याण विभाग अउ कोरिया, मनेंद्रगढ़-चिरमिरी-भरतपुर जिला के प्रभारी मंत्री श्री रामविचार नेताम ह ओ ल ए घर के चाबी सौंपीस अऊ अभिनन्दन पत्र भेंट करके सम्मानित करिस।
ए मौका म भावुक जलजीत ह प्रधानमंत्री नरेंद्र मोदी ल लिखे पत्र ल मंच म साझा करिस, जेमां वो ह कहिस, में बहुत गरीब आदमी अंव। पहिली कच्चा-खपरा वाले घर म हर पल डर म जीयत रहेव, अब ए पक्का घर ह मोर परिवार ल सुरक्षा अऊ सुकून देहे हे। में अऊ मोर परिवार अब बिना डर के बरसात के दिन म घलोक आराम से रहत हें। एखर बर में प्रधानमंत्री मोदी अऊ सरकार के दिल ले धन्यवाद करत हंव।
