कोरिया, प्रधानमंत्री आवास योजना (ग्रामीण) ह कोरिया जिला के हजारों परिवार मन के जीवन मं स्थायित्व अऊ सुकून ला दे हे। अब तक 17 हजार 142 परिवार मन ल पक्का अऊ सुरक्षित घर मिल गे हे। जिला ल 29 हजार 509 आवास के लक्ष्य मिले रहिस, जेमें ले 26 हजार 832 घर पास हो गए हे। लाभार्थी मन ल 1.20 ले 1.30 लाख रूपिया के सहायता राशि सीधा उंखर खाता म देहे गए हे, जेखर से अब तक लगभग 243 करोड़ रूपिया बंटा गए हे।
घर बनवइ ले मनरेगा के तहत 30 करोड़ रूपिया के मजदूरी भुगतान होय हे, जेखर से स्थानीय रोजगार ल बढ़ावा मिले हे। घर नवई म 17 करोड़ ईंटा, 17 लाख सीमेंट बोरी अऊ लाखों ट्रॉली रेत-गिट्टी के उपयोग होय हे, जेखर ले ग्रामीण व्यवसाय ल घलोक सहारा मिले हे। गांव के 880 मनखे मन ल राजमिस्त्री प्रशिक्षण देके कौशल अऊ आय दुनों मं बढ़ोतरी करे गए हे। पहाड़ी अऊ वन क्षेत्र मन के परिवार अब प्राकृतिक विपदा मनले सुरक्षित, सम्मानजनक जीवन जीयत हें।
कोरिया जिला के 17 हजार परिवार मन ल मिलिस पक्का आशियाना, बदलिस जिंदगी के हाल
