CHHATTISGARHI NEWS: कोरिया, जिला के ग्राम पंचायत नरकेली म रहइया श्रीमती सोनकुंवर बर छत्तीसगढ़ शासन के महतारी वंदन योजना आर्थिक रूप से एक बड़े अउ मजबूत सहारा बन के उभरे हावय। पचहत्तर बछर उम्मर के सोनकुंवर अब अपन छोट-मोट अउ दैनिक जरूरत बर कोनो ऊपर निर्भर नइ हे, जेकर से ओखर जिनिगी म एक नवा आत्मविश्वास जागे हावय।
श्रीमती सोनकुंवर मूल रूप से एक साधारण किसानी परिवार ले संबंध रखथे। ओखर परिवार के पास थोरकुन पुश्तैनी किसानी भुइंया हे, अउ रोजी-मंजूरी के साधन मन ले ही ओखर परिवार के दैनिक आजीविका के गतिविधि मन पूरा होथे। सीमित आमदनी अउ तंगहाली के सेती ओ ल अपन हर छोट-मोट जरूरत बर अक्सर परिवार के दूसर सदस्य मन ऊपर निर्भर रहे बर परत रहिस, जेखर ले कइ पइत ओ ल कठिनाई के सामना करे बर परत रहिस।
महतारी वंदन योजना के तहत हर महीना मिलइया नियमित राशि ह ओखर ये चिंता ल दूर करे हे। सोनकुंवर ह बताइस के ये योजना ले मिलइया पइसा ले ओ ह परिवार के दूसर जिम्मेदारी मन के बीच अपन दैनिक जरूरत ल लेके पूरा निश्चिंत हो गे हे।
अब ओ ह योजना ले मिलइया पइसा ल बचा के घलो रखथे। ये नियमित आर्थिक सहायता अब ओखर बर सही अरथ म अपन आर्थिक आत्मनिर्भरता अउ स्वाभिमान के एक मजबूत माध्यम बन चुके हे, जेकर ले ग्रामीण अंचल के सियान महतारी मन के जिनिगी म घलो सकारात्मक बदलाव आवत हे।
सोनकुंवर ल महतारी वंदन योजना ले मिलिस आर्थिक संबल, अब खरचा बर नइ रहना परय दूसर मन ऊपर निर्भर
