कोरिया के जैविक ‘सोनहनी‘ मधुरस अब ऑनलाइन मिलही

जिला प्रशासन ह करिस ‘वोकल फॉर लोकल‘ ल अपनाए के अपील
कोरिया, कोरिया जिला के प्रसिद्ध जैविक शहद ‘सोनहनी‘ अब देशभर म ऑनलाइन मिलही। ये शहद (मधुरस) अब ‘जेम‘ अऊ ‘खादी इंडिया‘ पोर्टल के माध्यम ले बिसाए जा सकत हे, जेखर से उपभोक्ता आसानी ले घर बइठे एखर खरीदारी कर सकत हे।
जिला कलेक्टर श्रीमती चन्दन त्रिपाठी ह जिलेवासी, अधिकारी, कर्मचारी अऊ आम नागरिक मन ले अपील करे हें के ओ मन ए स्थानीय उत्पाद ल अपनावंय अऊ ‘वोकल फॉर लोकल‘ मुहिम ल मजबूत करंय। उमन कहिन के ‘सोनहनी‘ जइसे जैविक उत्पाद के खरीदी ले न केवल किसान मन ल आर्थिक लाभ मिलही, बल्कि ओ मन ल स्थायी बाजार घलोक उपलब्‍ध होही। ये पहल स्थानीय स्वरोजगार ल बढ़ावा देहे, कृषि आधारित उद्योग ल सशक्त करे अऊ ग्रामीण अर्थव्यवस्था ल मजबूती प्रदान करे के दिशा म एक सकारात्मक कदम हे।