कोरिया, नवा शैक्षणिक सत्र चालू महिना के 16 जून ले शुरू होवइया हे। प्रदेश म स्कूल मन अऊ आंगनबाड़ी केन्द्र मन म लइका मन के आकर्षण अऊ मनोरंजन के हिसाब ले खूबसूरत पेंटिंग, रंग-रोगन अऊ मरम्मत करके शासकीय स्कूल मन म लइका मन के स्वागत करे के तैयारी जोर-शोर ले करे जात हे। इही कड़ी म कोरिया जिला प्रशासन कोति ले कलेक्टर श्री कुलदीप शर्मा के मार्गदर्शन म जिला के 1500 ले जादा शासकीय स्कूल मन म रंग-रोगन अऊ पेंटिंग करके चमक-दमक के संग स्कूल तियार करे गए हे। एकर मुख्य उद्देश्य लइका मन ल पढ़ाई बर बेहतर वातावरण देना अऊ उंखर भरपूर मनोरंजन करना हे।
कोरिया जिला के जिला शिक्षा अधिकारी श्री संजय गुप्ता के बताती स्कूली अऊ आंगनबाड़ी केन्द्र मन के लइका मन ल नवा अऊ अच्छा वातावरण देहे बर स्कूल मन म रंग-रोगन अऊ सुग्घर पेंटिंग करे गए हे। अवइया नवा शैक्षणिक सत्र बर सबो स्कूल सज-धज के लइका मन के स्वागत बर तियार हे। जिला प्रशासन के प्रयास हे कि नवा माहौल म लइका नवा ऊर्जा अऊ उमंग के संग पढ़ाई करयं।
नवा शैक्षणिक सत्र म लइका मन के स्वागत बर शासकीय स्कूल अऊ आंगनबाड़ी केन्द्र मन म सुग्घर पेंटिंग
