रइपुर, 29 जून 2022
मुख्यमंत्री दाउ भूपेश बघेल ह आज कोरिया जिला के मुख्यालय बैकुंठपुर के विश्राम गृह ले जिला के पांचों विकासखण्ड बर सांसद निधि कोति ले देहे जावत 5 ठिन एम्बुलेंस ल हरियर झंडी देखाके रवाना करीन। कोरिया जिले म स्वास्थ्य सुविधा मन के विस्तार अउ दूरिहा के क्षेत्र मन म तुरते-ताही आपात चिकित्सा सेवा उपलब्ध कराए के दिशा म ये एम्बुलेंस उपयोगी साबित होही। गृहमंत्री श्री ताम्रध्वज साहू, सांसद श्रीमती ज्योत्सना चरणदास महंत, संसदीय सचिव श्रीमती अम्बिका सिंहदेव अउ विधायक श्री गुलाब कमरो ये बेरा संघरे रिहिन।