रायपुर, 30 अगस्त, 2023
इण्डियन स्काउट गाइड फेलोशिप के राष्ट्रीय कार्यकारी अध्यक्ष एमएके मिकी के द्वारा दक्षिण कोरिया के इक्सन सिटी के मेयर जून्ग-हून यूल ल आज छत्तीसगढ़ी राजकीय गमछा अउ स्मृति चिन्ह दे के सम्मानित करे गईस।
प्रतिनिधिमंडल ह मेयर ल बताइस कि ए ह हमर प्रदेश के राजकीय गमछा हे। ए परिधान के माध्यम से हमर संस्कृति ल प्रतीक रूप में प्रदर्शित करथे।
उल्लेखनीय हे कि भारत अउ दक्षिण कोरिया सांस्कृतिक रूप ले अबड़ नजदीकी रूप ले जुड़े हुए हे। कोरिया में ए बात के ऐतिहासिक दस्तावेज हे कि लगभग दू हजार साल पहिली अयोध्या के एक राजकुमारी के बिहाव कोरिया के राजकुमार करा होए रहिस अउ जल मार्ग ले अयोध्या के राजकुमारी कोरिया गए रहिस द घटना के स्मृति में अयोध्या में एक पार्क घलो स्थापित करे गय हे। छत्तीसगढ़ घलो चूंकि भगवान राम के ननिहाल हे। अउ ए तरह से प्रगाढ़ सांस्कृतिक संबंध हे।
हाल ही में दक्षिण कोरिया में सम्पन्न होए 25वें विश्व स्काउट गाइड जंबूरी 2023 में इण्डियन स्काउट फेलोशिप अउ अटास इण्डिया के 29 सदस्यीय संयुक्त दल राष्ट्रीय अध्यक्ष उड़ीसा हाई कोर्ट के सेवानिवृत्त मुख्य न्यायमूर्ति जस्टिस कल्पेश झवेरी के नेतृत्व में सम्मिलित होए रहिस। इक्सन सिटी मेयर कार्यालय के द्वारा भारतीय दल ल राजकीय अतिथि के दर्जा देत हुए इक्सन कल्चर अउ टूरिजम फाउंडेशन अउ डिपार्टमेंट ऑफ कल्चर एण्ड टूरिजम इण्डस्ट्री इक्सन, दक्षिण कोरिया के द्वारा सांस्कृतिक अउ पर्यटन महत्व के स्थल के दिनांक 04 अउ 05 अगस्त के भ्रमण कराए गईस अउ भारतीय दल के सम्मान में रात्रि भोज के आयोजन करे गए रहिस।
इण्डियन स्काउट गाइड फेलोशिप के राष्ट्रीय कार्यकारी अध्यक्ष एमएके मिकी ल दक्षिण कोरिया के द्वारा मानद नागरिकता प्रदान करे गए हे। इण्डियन स्काउट गाइड फेलोशिप अउ अटास इण्डिया के संयुक्त भारतीय दल में छत्तीसगढ़ ले अटास इण्डिया छत्तीसगढ़ चैप्टर के अध्यक्ष प्रेम प्रकाश शर्मा अउ उपाध्यक्ष जितेन्द्र साखरे सम्मिलित होए रहिस।
उल्लेखनीय हे कि 25वें विश्व स्काउट जंबूरी में सम्मिलित होए के पूर्व मुख्यमंत्री श्री भूपेश बघेल ह छत्तीसगढ़ के प्रतिभागी मन ल सुभकामना दिस हे।
