विशेष पिछड़ा जनजाति पहाड़ी कोरवा महिला श्रीमती मिलो बनिस अतिथि शिक्षक: होइस आत्मनिर्भर

जशपुरनगर, 17 दिसम्बर 2020। जिला प्रशासन के खनिज न्यास मद ले जशपुर जिला के दूरस्थ अंचल मन म निवास करइया विशेष पिछड़ी जनजाति पहाड़ी कोरवा, बिरहोर, युवा मन ल रोजगार ले जोड़े जात हे अऊ ओ मन ल ऊंखर योग्यता के आधार म स्कूल मन म अतिथि शिक्षक के रूप म पदस्थ करे गए हे।
बगीचा विकासखंड के ग्राम रंगपूर ग्राम पंचायत बुटंगा के विशेष पिछड़ा जनजाति पहाड़ी कोरवा महिला श्रीमती मिलो हसदाकर ह छत्तीसगढ शासन अऊ जिला प्रशासन ल धन्यवाद देवत बताईस के जिला प्रशासन ह ओला रोजगार देवाए हे। बगीचा विकासखंड के पहिली माध्यमिक शाला मैनी म वोला अतिथि शिक्षक के रूप म रखे गए हे। वोखर शैक्षणिक योग्यता बीएससी बायो हे। अतिथि शिक्षक के पद बर जिला प्रशासन के विज्ञापन निकले रहिस तेमा आवेदन करे के बाद वोखर नियुक्ति जिला कलेक्टर श्री महादेव कावरे के मार्गदर्शन म आदिजाति कल्याण विभाग जशपुर ह पहाड़ी कोरवा, बिरहोर विकास अभिकरण शाखा जशपुर छत्तीसगढ़ के अंतर्गत पूर्व माध्यमिक शाला मैनी म करे हे। मिलो के बताती वो बहुत गरीब परिवार ले हे परिवार म 10 सदस्य हे। अब नौकरी मिल जाय ले अपन अऊ अपन परिवार के बने सहिन पालन पोषण करत हे। ओला 10 हजार रुपिया प्रतिमाह वेतन के रूप म मिलत हे।