रायपुर, मुख्यमंत्री श्री भूपेश बघेल ह आज बिहनिया नवा बछर के पहिली दिन राजधानी रायपुर के कोतवाली चावड़ी के मेहनतकश मजदूर भाई-बहिनी मन के संग हर साल के जइसे ये साल घलोक नववर्ष के अभिनंदन करिन। उमन श्रमवीर भाई-बहिनी मन ल मिठई खवाके अऊ कंबल भेंट करके ऊंखर संग नवा साल के खुशियां बांटिन। श्री बघेल ह ये बेरा म श्रमवीर मन संग सबो मनखे मन ल नवा साल के शुभकामना दीन।
मुख्यमंत्री श्री बघेल ह नव साल म श्रमवीर मन ल सौगात देवत भवन अउ आन सन्निर्माण कर्मकार कल्याण मंडल के अंतर्गत भगिनी प्रसूति सहायता योजना म सहायता राशि 10 हजार रुपिया ले बढ़ाके 20 हजार रुपए करे के घोषणा करिन। उमन कहिन कि स्वच्छता कर्मि मन के मेहनत ले छत्तीसगढ़ ल लगातार तीसर पइत देश के सबले स्वच्छ राज्य के पुरस्कार मिले हे। ये उपलब्धि बर उमन स्वच्छता कर्मि मन ल बधाई अऊ शुभकामना दीन। मुख्यमंत्री ह कहिन कि राज्य सरकार राष्ट्रपिता महात्मा गांधी के श्रम के सम्मान के परंपरा ल आगू बढ़ावत हे। उमन कहिन के नवा साल म सियान अऊ हमार पुरोधा, हमार महापुरूष मन के सपना मन ल साकार करना ही हमार नवा साल के संकल्प हे।
मुख्यमंत्री ह मेहनतकश मजदूर भाई-बहिनी मन के संग के नवा साल के करिन शुरूआत
