छत्तीसगढ़ म कोविड टीकाकरण नइ होवय बाधित, अभी पर्याप्त वैक्सीन उपलब्ध

रायपुर, 20 मार्च 2021। छत्तीसगढ़ म स्वास्थ्य कर्मी, फ्रंटलाइन वर्कर्स, 60 बछर ले जादा के नागरिक अऊ 45 बछर ले 59 बछर तक के को-मोरबिडिटी वाले मन के टीकाकरण नियमित रूप ले जारी रही। अभी प्रदेश म पर्याप्त संख्या म वैक्सीन उपलब्ध हे। राज्य टीकाकरण अधिकारी डॉ. अमर सिंह ठाकुर ह बतइन कि 19 मार्च के टीकाकरण शुरू होय के पहली चार लाख 64 हजार वैक्सीन प्रदेश के पास हे। छत्तीसगढ़ ल जल्द ही भारत सरकार ले पांच लाख 26 हजार नवा वैक्सीन मिलने वाला हे। वैक्सीन के नवा खेप अवइया कुछ दिन म इहां पहुंच जाही। वैक्सीन के उपलब्धता ल लेके अभी कोई दिक्कत नइ हे। प्रदेश के लोगन के रोज पहली के ही तरह निर्धारित सत्र मन के अनुसार नियमित टीकाकरण जारी रही।