किसान मन मन ल पइसा बर दूसर के आगू हाथ पसारे के जरूरत नइ परय: किसान श्रीमती चंद्रकुमारी

बालोद, 13 मार्च 2024। किसान मन के उन्नति अऊ खुशहाली बर आज मुख्यमंत्री श्री विष्णु देव साय के मुख्य आतिथ्य म प्रदेश म कृषक उन्नति योजना के शुभारंभ होइस। बालोद म आयोजित राज्य स्तरीय कार्यक्रम म मुख्यमंत्री ह बटन दबाके प्रदेश के किसान मन के खाता म 13000 करोड़ रुपिया रुपिया ले जादा राशि हस्तांतरित करिन। धान के समर्थन मूल्य 3100 रुपिया प्रति क्विंटल के दर म मिले ले प्रदेश के किसान अड़बड़ खुश नजर आवत हें। चारों कोति खुशहाली छा गए हे। ए योजना ले खेती किसानी म बढ़ोतरी होही। संगेच किसान परिवार म खुसी के देवारी मनही।
स्टेडियम परिसर म आयोजित कार्यक्रम म मुख्यमंत्री श्री साय ह किसान मन ल धान आदान सहायता राशि के प्रमाण पत्र बांटिन। मुख्यमंत्री श्री साय के हाथ प्रमाण पत्र पाके किसान मन खुशी ले प्रफुल्लित हो उठिन। कलंगपुर निवासी किसान श्रीमती चंद्रकुमारी ल धान आदान सहायता के रूप म 6 लाख 47 हजार रुपिया मिले म वो ह खुशी जतात कहिस कि सरकार के ए जन हितैषी योजना ले किसान मन तीर पइसा के कमी नइ होवय। किसान मन ल पइसा बर दूसरो के आगू हाथ पसारे के ज़रूरत नइ परय। वो ह बताइस कि वोखर तीन बेटा हे जेन घर के खेती किसानी के काम म हाथ बंटाथे। लगभग 45 एकड़ म खेती करइया किसान श्रीमती चंद्रकुमारी ह कहिस कि मोदी जी ह जेन गारंटी बताए रहिस वो आज पूरा हो गए हे। जेखर से प्रदेश के किसान खश्चित खुश हे।