जिला के डेढ़ लाख ले जादा किसान मन के खाता म 799 करोड़ 66 लाख रुपिया अन्तरित
किसान मन ल सबले जादा आदान सहायता राशि देहे के काम करत हे हमर सरकार- राजस्व मंत्री श्री वर्मा
राजस्व मंत्री श्री टंकराम वर्मा कृषक उन्नति योजना के शुभारंभ अउ आदान सहायता राशि अंतरण कार्यक्रम म होइन सामिल
बालोद, 12 मार्च 2024। मुख्यमंत्री श्री विष्णुदेव साय ह मंगल के कृषक उन्नति योजना के शुभारंभ अउ आदान सहायता राशि के अंतरण बालोद जिला म आयोजित कार्यक्रम म करिन। कृषक उन्नति योजना के तहत जिला के 1 लाख 56 हजार 713 किसान मन के बैंक खाता म लगभग 799 करोड 66 लाख रुपिया डीबीटी के माध्यम ले आदान सहायता राशि के अंतरण करे गीस। बलौदाबाजार स्थित स्पोर्ट्स स्टेडियम म आयोजित जिला स्तरीय कार्यक्रम म राजस्व अउ आपदा प्रबंधन मंत्री श्री टंकराम वर्मा मुख्य अतिथि के तौर म सामिल होइन। मुख्य कार्यक्रम ले जिला मुख्यालय अउ जनपद मुख्याल वर्चुअली जुड़े रहिन।
कार्यक्रम ल संबोधित करत मंत्री श्री वर्मा ह कहिन कि आज के दिन ऐतिहासिक अउ गौरवपूर्ण हे जेमे किसान मन ल आदान सहायता के रूप म बड़का राशि के अंतरण करे गीस। किसान मन म उत्साह अऊ खुशी के माहौल हे। किसान मन के चिंता करत हमर सरकार ह मोदी के गारण्टी के तहत एक अऊ गारण्टी पूरा करे हे। ए गारण्टी के पूरा होए ले अब किसान मन ल आदान सहायता राशि देहे म हमर सरकार सबले आगू हे। उमन कहिन कि एक दिन पहिली 10 मार्च के प्रदेश के लगभग 70 लाख महिला मन के खाता म एक- एक हजार रुपिया महतारी वंदन योजना के पहली किश्त के अंतरण करे गए हे।
ए अवसर म जिला पंचायत अध्यक्ष श्री राकेश वर्मा, सीईओ जिला पंचायत श्रीमती नम्रता जैन, श्री विजय केशरवानी, श्री नरेश केशरवानी, श्री टेसू लाल धुरंधर, श्रीमती नीलम सोनी श्रीमती सुनीता वर्मा, एसडीएम श्री अमित कुमार गुप्ता संग आन जनप्रतिनिधि, अधिकारी अउर बडी संख्या म किसान बंधु उपस्थित रहिन।