बस्तर म कृषि क्रांति: 25 बछर म फसल क्षेत्र दुगुना, किसान मन होइन बढ़हर

जगदलपुर, छत्तीसगढ़ के बस्तर जिला पाछू 25 बछर म कृषि क्षेत्र म क्रांतिकारी बदलाव के गवाह बने हे। साल 2000 म जिहां जिला के फसल क्षेत्र 1.58 लाख हेक्टेयर रहिस, उहें 2025 म ये बाढ़के 2 लाख हेक्टेयर ले जादा हो गए हे। इहां बीज वितरण म घलोक दस गुना बढ़ोतरी दर्ज होए हे। सिंचित क्षेत्र म घलोक सात गुना विस्तार होय हे, जेखर से अब 24 हजार हेक्टेयर ले जादा जमीन म सिंचाई सुविधा उपलब्ध हे।
धान के समर्थन मूल्य म छै गुना वृद्धि—510 रूपिया ले बढ़के 3,100 रूपिया प्रति क्विंटल ह किसान मन के आमदनी अऊ आत्मविश्वास दुनों बढ़ाए हे। जल संरक्षण, आधुनिक तकनीक अऊ गुणवत्तापूर्ण बीज ह बस्तर ल ‘धान के कटोरा’ बना देहे हे। राज्य सरकार के किसानोन्मुख नीति अऊ प्रशिक्षण कार्यक्रम मन ह बस्तर ल आत्मनिर्भर, समृद्ध अऊ हरित दिशा म अग्रसर करे हे, जेखर से इहां के कृषि अब विकास के नवा मिसाल बन गए हे।