- बिजली कनेक्शन बर लंबित कृषि पम्प मन ल मिलही कनेक्शन: मुख्यमंत्री ह विधान सभा म करिन घोषणा
- प्रदेश म 35 हजार 161 कृषि पम्प होही ऊर्जीकृत
रायपुर, 02 मार्च 2021। प्रदेश के किसान मन बर एक अऊ महत्वपूर्ण फैसला लेत मुख्यमंत्री श्री भूपेश बघेल ह स्थायी बिजली कनेक्शन बर लंबित 35 हजार 161 कृषि पम्प मन के ऊर्जीकरण करे के आज विधानसभा म घोषणा करिन। मुख्यमंत्री के घोषणा के बाद बिजली कनेक्शन बर लंबित सबो कृषि पम्प मन ल वित्तीय साल 2021-22 म स्थायी बिजली कनेक्शन देहे के प्रक्रिया पूरा करे जाही।
ये साल प्रदेश म 10 हजार 504 पम्प मन ल बिजली कनेक्शन देहे गए हे। प्रदेश म किसान मन दू फसल लेहे के शुरूआत करे हें, जेखर से कृषि पम्प मन के बिजली कनेक्शन के मांग म सरलग बढ़ोत्तरी होवत हे। एला ध्यान म रखत मुख्यमंत्री श्री बघेल ह किसान मन के हित म लंबित कृषि पम्प मन के ऊर्जीकरण काम ल प्राथमिकता ले पूरा करे के घोषणा करिन।
