कृषि उपज मंडी कृषि उपज मन के खरीदी-बिक्री के अउ जादा पारदर्शी व्यवस्था बनावैं: दाउ भूपेश बघेल

रइपुर, 10 अगस्त 2021 मंगल। मुख्यमंत्री दाउ भूपेश बघेल ह किसान मन ल उन्कर उपज के सही मूल्य देवाए बर उन्कर जरूरत अउ समस्या मन ल धियान रखके किसान अउ बयपारी मन के बीच कृषि उपज मन के खरीद अउ बिक्री ल अउ अधिक पारदर्शी व्यवस्था करें के, उन्कर उपज के सही मूल्य समय म देहे के बात अपन घरू कार्यालय ले वीडियो कॉन्फ्रेंसिंग के जरिये कृषि उपज मंडी समिति दुरूग के नवनियुक्त अध्यक्ष श्री अश्वनी साहू के पदभार ग्रहण कार्यक्रम ल सम्बोधित करत कहीन। मुख्यमंत्री ह नवा जिम्मेदारी मिले के श्री अश्वनी साहू ल बधई अउ शुभकामना दीन।
मुख्यमंत्री कहीन कि केंद्र सरकार कोति ले बनाए नवा कृषि कानून ले किसान मन के हित ल खतरा हवय। ए कानून मन के दुष्प्रभाव मन ले छत्तीसगढ़ के किसान मन ल बचाए बर राज्य सरकार ह मंडी अधिनियम म संशोधन करके किसान मन के हित ल संरक्षित करे हवय। छत्तीसगढ़ म 80 प्रतिशत किसान लघु अउ सीमान्त किसान हे, इन्कर उपज के सही तौल अउ सही मूल्य के संग खरीदी के बेवस्था सुनिश्चित करे के जिम्मदारी मंडी मन ​के हवय। कृषि उपज मंडी मन के ये प्रयास होना चाही कि छत्तीसगढ़ म अइसन बाजार बेवस्था के निर्माण करे जाय, जेमे उत्पादक किसान मन बर जोखिम कम से कम होवय अउ उन मन ल मोलभाव करे के ताकत मिलय, समय म उन मन ल भुगतान होवय ।
कृषि अउ जल संसाधन मंत्री श्री रविन्द्र चौबे, वन मंत्री श्री मोहम्मद अकबर, गृह मंत्री श्री ताम्रध्वज साहू अउ विधायक श्री अरूण वोरा तको नवनियुक्त अध्यक्ष श्री अश्वनी साहू ल बधई अउ शुभकामना देवत वोला अपन जिम्मेदारी के निर्वहन कुशलतापूर्वक करत किसान मन के हित म बूता करयं।