छत्तीसगढ़ के सबो नगरीय निकाय मन म बनही कृष्ण कुंज

रायपुर, मुख्यमंत्री श्री भूपेश बघेल के पहल म छत्तीसगढ़ के सबो नगरीय क्षेत्र मन म ’कृष्ण कुंज ’ विकसित करे जाही। कृष्ण कुंज म बर, पीपर, लीम अऊ कदंब जइसे सांस्कृतिक महत्व के जीवनोपयोगी पेड़ लगाए जाही। मुख्यमंत्री ह सबो कलेक्टर मन ल ’कृष्ण कुंज’ विकसित करे बर वन विभाग ल कम से कम एक एकड़ जमीन के आबंटन करे के निर्देश देहे हें। अवइया कृष्ण जन्माष्टमी के दिन पूरा राज्य म ’कृष्ण कुंज’ बर चिन्हित स्थल म पेंड लगाए जाही।
मुख्यमंत्री ह ’कृष्ण कुंज’ के माध्यम ले वृक्षारोपण ल जन अभियान बनाए के पहल करत कहिन हे कि हमार देश म बरगद, पीपल, नीम, कदंब अऊ आन वृक्ष मन के पूजा करे के बहुत प्राचीन परंपरा हे। मनुष्य बर वृक्ष के बहुत उपयोगिता होए के सेती ही हमर परंपरा मन म ए मन ल महत्वपूर्ण स्थान देहे गए हे।