सुरेश यादव ल मिलिस कृत्रिम गर्भाधान योजना के लाभ

महासमुंद,03 October 23
सब्बो मनखे मन के सपना होथे कि ओण्ह आर्थिक रूप से सक्षम हो। ए सपना ल पूरा करे ब ओ ह रस्ता घलो खोजथे। फेर ए रस्ता में आर्थिक संकट रुकावट पैदा करथे। अइसे स्थिति में शासकीय योजना ह उकर जीवन में उम्मीद के रोसनी बन के आथे अउ उकर सपना पूरा करे के जरिया बन जाथे। अइसने कुछ होइस श्री सुरेश कुमार यादव के संग।
श्री सुरेश कुमार यादव विकासखण्ड महासमुंद के बिरबिरा गाँव के निवासी हे। वो ह बतात हे कि वर्ष 2019-20 में उकर आर्थिक स्थिति अबड़ कमजोर रहिस हे। वो ह आय के नवा जरिया खोजत खोजत पशुधन विकास विभाग के अधिकारी-कर्मचारी मन के संपर्क में आइस जेकर से ओला राष्ट्रीय कृत्रिम गर्भाधान योजना के बारे में पता चलिस। जेकर तहत विभाग के अधिकारी/कर्मचारी अउ प्राइवेट कृत्रिम गर्भाधान कार्यकर्ता के द्वारा हितग्राही मन के घर म जा के उन्नत नस्ल के सांड के वीर्य के द्वारा पूर्णतः निःशुल्क कृत्रिम गर्भाधान करे जाथे।
श्री सुरेश कुमार यादव अपन घर के गाय जो कि बनेच्च कम दूध देवय, पशुधन विकास विभाग द्वारा उन्नत नस्ल के साहीवाल सांड के वीर्य से कृत्रिम गर्भाधान करवाइस। ओ ह पशुधन विकास विभाग के अधिकारी-कर्मचारी मन के द्वारा दिए गए दिशा-निर्देश के अनुसार अपन गाय के खान-पान अउ रख-रखाव करिस। संग ही समय-समय म विभाग द्वारा चलाए गए निःशुल्क टीकाकरण कार्यक्रम के घलो लाभ लिस। कृत्रिम गर्भाधान के द्वारा उन्नत नस्ल के बछिया जन्मिस। जे वर्ष 2020-21 ले दूध देहे के सुरू कर दिस। श्री यादव ह बताइस कि अब लगभग 4.00 लाख रुपिया सालाना आय होवत हे।
श्री सुरेश कुमार यादव के घर के महिला मन घलो गाय पालन में रूचि लेके बुता करत हे। पशुधन विकास विभाग के अधिकारी/कर्मचारी मन के दिशा निर्देश के पालन करत हुए श्री यादव अब अउ गाय राख के राष्ट्रीय कृत्रिम गर्भाधान योजना के फायदा लेत हुए छोटे पैमाने म डेयरी फार्म स्थापित कर अपन अउ अपन घर के महिला मन के आर्थिक उन्नयन करे के इच्छुक हे। श्री यादव के संकल्प ल पूरा करे में पशुधन विकास विभाग पूरा सहयोग देवत हे।