रायपुर, 06 फरवरी 2020। राष्ट्रीय कृषि मेला के आयोजन राजधानी रायपुर के तुलसी बाराडेरा स्थित फल सब्जी उपमंडी प्रांगण म 23 ले 25 फरवरी 2020 तक करे जाही। ए तीन दिन के मेला म किसान मन के उत्पादित कृषि उपज ले संबंधित कई ठन चीज मन के प्रदर्शनी सह बिक्री के स्टाल लगाए जाही। एखर अलावा ए प्रांगण म छत्तीसगढ़ी व्यंजन के अलग से स्टाल घलोक रहिही। जिहां आयोजन म सामिल होइवया मन ए व्यंजन मन के आनंद उठा सकही। प्रदर्शनी सह बिक्री के स्टाल आम नागरिक अऊ किसान मन बर बिहनिया 10 बजे ले संझा 6 बजे तक खुले रहिही।
हम बता देवन कि छत्तीसगढ़ म कई प्रकार के उद्यानिकी अउ कृषि फसल मन के उत्पादन प्रचुर मात्रा म होवत हे। खरीफ फसल मन ममाई धान, मक्का, अरहर, उड़द, सोयाबीन अउ छोटे धान्य के अंतर्गत कोदो, कुटकी प्रदेश के पहिचान हे। रबी फसल अंतर्गत गेहूं, चना, तिवड़ा, अलसी, कुसुम, सूरजमुखी के खेती करे जाथे। वन ले ईमली, चिरौंजी, महुआ बीज अउ लाख अउ बहुत अकन औषधीय गुण वाले वनोपज के उत्पादन होवत हे।
प्रदेश के किसान उत्पादक संगठन, महिला स्व-सहायता समूह अउ किसान मन से परंपरागत फसल मन के अकतहा काला चावल, लाल चावल, शहद, आर्गेनिक सुगन्धित विष्णु भोग, आर्गेनिक अरहर, मूंग आदि के उत्पादन घलोक व्यापक पैमाना म करे जात हे अउ प्रदेश ले ए उत्पाद मन के निर्यात घलोक आन प्रदेश मन म होवत हे। महिला स्व-सहायता समूह अउ किसान मन ले महुआ, काला चावल, रागी, ज्वार, सीताफल अउर मुनगा पत्ती आदि कई प्रकार के व्यंजन तैयार करे जात हे जऊन प्रदेशवासी मन कोति ले काफी पसंद करे जात हे अऊ एकर मांग घलोक दिन-प्रतिदिन बाढ़त हे। प्रदेश के स्व-सहायता समूह मन गोबर ले दीया अउ गमला के निर्माण करे जात हे। संगेच अगरबत्ती, फिनाइल, फूल झाडू, साबून आदि के घलोक उत्पादन करे जात हे जऊन प्राकृतिक अउ स्वास्थ्य बर लाभप्रद होए के संगे-संग सस्ता घलोक हे।