छत्तीसगढ़ के दंतेवाड़ा म लोकसभा चुनई के ऐन मौका के पहिली नक्सली मन हमला कर दिन। जेमा दंतेवाड़ा के भाजपा विधायक भीमा मंडावी सरगवासी होगे। संगे संग ओकर ड्राइवर अउ तीन झन ओएसडी घलो सरग सिधार गए। ए हमला के बाद राज सरकार घलो कड़ई करे के मन बना डारे हे अउ दंतेवाड़ा के श्रध्दांजलि सभा म संघरे मुखिया भूपेष बघेल हँ ए बात कहिन कि लाल आतंक के आगू न सरकार मडियावै न बस्तर के जनता।
बीते पाछू मंगल के दिन दंतेवाड़ा म कुआंकोण्डा थाना के अंतर्गत नकुलनार मार्ग म नक्सली मन हमला करके भाजपा विधायक भीमा मंडावी के दल निसाना बनाके आईईडी ब्लास्ट कर दिन जेमा पाँच मनखे सरग सिधार गे। सरगवासी होगे। संगे संग ओकर ड्राइवर अउ तीन झन ओएसडी घलो सरग सिधार गए। मंगल के दिन होए ए हमला के बिहान भर मृत विधायक अउ उन्कर संगे संग होए शहीद मन ल दंतेवाड़ा म श्रध्दांजलि दिए गइस। सभा म प्रदेश् के मुखिया भूपेश् बघेल घलो संघरे रिहिन।
dash; Bhupesh Baghel (@bhupeshbaghel) April 10, 2019
बता देथन कि 11 अप्रैल के उहां मतदान होवइया हे। ओकर 36 घंटा पहिली नक्सली मन ए कांड कर दिन। एकर पहिली नक्सली उहां के जनता मन ल डरवाके चुनई बहिस्कार के उदीम करे हावयं। शहीद विधायक भीमा मंडावी हं बस्तर टाइगर महेन्द्र कर्मा ल हरवा के विधायक बने रिहिने।
चटकारा:-
कोदू:- अरे आगू तनि अउ नी जाना हे रे भाई, बघवा के माड़ा हे।
घसिया:- अरे बघवा के माड़च हे त का करिबे पीछू तो सारा सिकारी बंदूकवा के नाल धँसाए राखे हावय।
