कोरबा, कुकुर मनखे के वफादार होथे अऊ बखत आए म अपन मितानी निभाए बर जान के बाजी तक लगा देथे। अइसनेच मामला आगू आए हे कोरबा म, जिहां एक छोटकन नोनी ल बचाय बर कुकुर ह सूंरा संग लडि़स। बताथें के इमलीडुग्गू बस्ती के डेढ़ साल के आरती नोनी घर के बाहिर जब खेलत रहिस त ओला बईहाए सूंरा ह मुह म दबा के लेगे लगिस। उहां खड़े मनखे मन म चिहुर परगे, दुवारी म बइठे कुकुर ह देखिस त सूंरा ल कुदाईस अउ आगू जागे वोला छेंक लीस, सूंरा ले लड़े लागिस। कुकुर अउ सूंरा के लड़ई म सूंरा के मुह ले नोनी छूट गे अउ भागिस।
ईटीवी भारत के मुताबिक कुकुर के ये वफादारी ल देखके बस्ती के मनखे दंग रहि गें। बस्ती वाला मन बताईन के कहूं सहीं बखत म कालू उहां नइ पहुंचतिस त सूंरा आरती के जान ले सकत रहिस। ए घटना के बाद नोनी ल थोकन चोट आए हे अउ ओला प्राथमिक स्वास्थ्य केंद्र म इलाज कराके घर भेज दे गए हे।
