राज्य के कुल जनसंख्या के 15 प्रतिशत ले जादा ल कोविड 19 वैक्सीन के पहिली डोज लगीस : वैक्सीनेशन म देश म सातवां जगा

रइपुर 19 अप्रैल 2021 सम्मार। छत्तीसगढ़ कोविड 19 वैक्सीनेशन म जम्मो देश म सातवां जगा म हावयं। राज्य म कुल जनसंख्या के 15.17 प्रतिशत लोगन मन ल माने कि 44 लाख 49 हजार ले जादा झिन मनखे मन ल वैक्सीन के पहला डोज देहे जा चुके हे । राष्ट्रीय औसत 7.79 प्रतिशत हवय । केन्द्र शासित प्रदेश लक्षद्वीप, अंडमान निकोबार, लदाख के संगे —संग राज्य मन म सिक्किम,त्रिपुरा,हिमाचल प्रदेशे भर मन छत्तीसगढ़ ले आगू हवयं । काली 18 अप्रैल तक इहां 45 बछर ले जादा उम्मर के लगभग 66 प्रतिशत लोगन मन ल पहिली डोज लग चुके हवय । एकर छोड़ 88 प्रतिशत हेल्थ केयर वर्कर, 91 प्रतिशत फ्रंट लाइन वर्कर मन तको वैक्सीन के पहिली खुराक देहे गे हवय ।