हटरी-बजार म पहुंचत हे सामुदायिक बारी के साग-भाजी

कोरिया , कलेक्टर श्री कुलदीप शर्मा ह इतवार के जिला पंचायत सीईओ श्री कुणाल दुदावत के संग विकासखण्ड मनेन्द्रगढ़ के पिपरिया गौठान पहुँच के गौठान आजीविका गतिविधि मन के अवलोकन करिन। उमन गौठान म 18 लाख रुपिया ले जादा के वर्मी कम्पोस्ट बेंचाए म खुश होके महिला मन ल शुभकामना देवत, आगू घलोक अइसनहे काम करे बर प्रेरित करिन। अभी हाले म वर्मी कम्पोस्ट खाद निर्माण के काम करत विद्या स्व सहायता समूह के अध्यक्ष सीता ह बताइस कि समूह के 10 महिला मन वर्मी कम्पोस्ट खाद बनावत हें, वर्मी खाद के बेंचे ले मिले पइसा के उपयोग महिला मन स्वरोजगार अउ घरेलू जरूरत के पूर्ति बर करे हें। उहें समूह के सदस्य मानकुंवर ह कलेक्टर ल बताइस कि मैं ह मिले पइसा के उपयोग खेती के काम मे करे हंव।
कलेक्टर श्री शर्मा ह गौठान म मुर्गी पालन के काम करत रौशनी स्व सहायता समूह के महिला मन ले गतिविधि उपर चर्चा करिन। ये बेरा म उमन गौठान म सामुदायिक बाड़ी के अवलोकन करिन, महिला मन ह बताइन कि अभी इहां बैगन, मिर्ची, लालभाजी आदि लगाए गए हे जेला स्थानीय बाजार बेंचत हन।