मुख्यमंत्री ले गोठ-बात कभू नई भुलावय : सुरता ल अंचरा के गंठरी म बांध लेन

कांकेर, भेंट मुलाकात कार्यक्रम के तहत कांकेर विधानसभा क्षेत्र म भ्रमण के समय कुलगाँव आदर्श गौठान पहुंचे मुख्यमंत्री श्री भूपेश बघेल के आगू स्थानीय महिला स्व सहायता समूह के सदस्य श्रीमती शारदा कोरेटी ह कहिन कि मुख्यमंत्री ले साक्षात बातचीत करना ऊंखर बर एक अविश्वसनीय अऊ अविस्मरणीय पल ये। शारदा ह कहिस कि ओ ल अऊ ग्रामवासी मन ह कभू सपना म घलोक नइ सोचे रहिन कि मुख्यमंत्री इहां आहीं। वो ह ग्रामीण अर्थव्यवस्था ल मजबूत करे बर शासन कोति ले करे जात प्रयास मन बर आभार व्यक्त करत बताइस कि इहां नौ प्रकार के आर्थिक गतिविधि संचालित करे जात हे।
बेवर्ती के पार्वती नेताम अऊ सुशीला नेताम ह घलोक गांव-गांव म आर्थिक समृद्धि बर शासन कोति ले करे जात काम मन के जमके सराहना करत मुख्यमंत्री के प्रति आभार व्यक्त करिन। महिला मन ह कहिन कि शासन-प्रशासन के प्रतिनिधि अऊ अधिकारी निरन्तर गांव मन म पहुंचत हें अऊ गांव वाले मन के हित म काम करत शासन के योजना मन के लाभ लेहे बर प्रेरित करत हें। शासन के योजना मन ले जुड़के महिला मन के आर्थिक स्थिति म सुधार होए ले ऊंखर आत्मविश्वास म बढ़ोतरी घलोक साफ दिखत हे।