उत्तर बस्तर कांकेर, बिहान योजना अंतर्गत स्व-सहायता समूह के महिला मन भाई मन बर धान, मटर, कुल्थी, चावल, मसूर, मयूरपंख, मक्का, सीताफल बीज ले राखी बनावत हें। रक्षा बंधन तिहार भाई-बहिनी मन के अटूट प्रेम के संदेश देथे। जिला के बिहान समूह के महिला मन अपन हाथ ले राखी बनाके भाई मन ल भेजत हें। एखर संगेच स्थानीय बाजार मन म घलोक उपलब्ध कराए जात हे। रक्षाबंधन के तिहार ल देखत समूह के दीदी मन अपन आजीविका के रूप म राखी तियार करे म लगे हें, उंखर बनाय राखी ये पइत भाई मन के हाथ म सजही।
जिला पंचायत के मुख्य कार्यपालन अधिकारी सुमीत अग्रवाल के निर्देश के मुताबिक मुख्य कार्यपालन अधिकारी जनपद पंचायत कांकेर अश्वनी यादव के मार्गदर्शन म ग्राम दसपुर, धनेली कन्हार, बिहान स्व सहायता समूह अऊ स्थानीय संसाधन जइसे धान, मटर, कुल्थी, चांवल, मसूर, मयूरपंख, मक्का, सीताफल बीज ले राखी तियार करके अनूठा परयोग करे जात हे। ये काम बर समूह मन ल बीपीएम, एसी, वायपी कोति ले प्रशिक्षण अऊ सहयोग करे जात हे।