रायपुर, मुख्यमंत्री श्री भूपेश बघेल ह आज ‘जनचौपाल, भेंट-मुलाकात‘ के कार्यक्रम म दुर्ग जिला के तरीघाट (विकासखण्ड पाटन) के गरीब परिवार के छात्रा कुमारी रितु खुटियारे ल इंजीनियरिंग के पढ़ाई जारी रखे बर 50 हजार रुपए के स्वीकृति स्वेच्छानुदान ले दीन।
जनचौपाल म रितु ह अपन पिता श्री हीरामन खुटियारे के संग मुख्यमंत्री ले मुलाकात करके अपन कमजोर आर्थिक स्थिति के जानकारी दीन। श्री हीरामन ह बताइस कि वोखर बेटी रितु रायपुर के प्रोफेशनल इंस्टिट्यूट ऑफ इंजीनियरिंग एन्ड टेक्नोलॉजी म बी. ई. के तीसर साल के छात्रा हे। ओ ह अपन बेटी के फीस के पइसा जमा नइ कर पावत हे। वो ह रितु के फीस जमा करे बर सहायता के आग्रह मुख्यमंत्री ले करिस। मुख्यमंत्री ह वोखर बात ल सहनुभूतिपूर्वक सुनीन अऊ तुरंते 50 हजार के सहायता राशि मंजूर करिन। फीस के इंतजाम हो जाय ले पिता अऊ बेटी दुनों ह मुख्यमंत्री ल धन्यवाद दीन अऊ खुशी खुशी वापस लहुटिन।
