कुमेकेला मॉ दुर्गा महिला स्व सहायता समूह के महिला मन करत हे सेनेटरी पेड निर्माण

पेड निर्माण ले महिला मन ल मिलत हे सामुहिक आजीविका के साधन
समूह ल 20 हजार रूपिया के होए हे आमदनी
जशपुरनगर, 19 सितम्बर 2023
छत्तीसगढ़ शासन कती ले गौठान मन ल स्वावलंबी बनाए ब सार्थक प्रयास करे जाथ हे अउ स्व सहायता समूह के महिला मन ल प्रशिक्षण देके रोजगार ले जोडे़ जाथ हे। गौठान मन में मुर्गी पालन, बकरी पालन, मशरूम उत्पादन, बांस के टुकनी निर्माण, बटेर पालन, बाड़ी विकास, साग सब्जी के उत्पादन, राईस मिल, पोल निर्माण, सरसो तेल, हेचरी पालन, सेनेटरी पेड निर्माण सहित अन्य अउ कई प्रकार के गतिविधिय में जोड़ के समूह के महिला मन ल आर्थिक रूप ले आत्मनिर्भर बनाए जाथ हे। जिला पंचायत के एनआर.एल.एम. बिहान द्वारा घलो स्व सहायता समूह के महिला मन ल सशक्त बानए के उद्देश्य से आर्थिक गतिविधि में जोडे़ के काम सरलग करे जाथ हे। ताकि महिला मन आर्थिक रूप ले आत्मनिर्भर बन सके। जिला के विभिन्न विभाग द्वारा घलो रीपा के तहत् परिवार मन अउ समूह के महिला मन ल विभाग के योजना ले लाभान्वित कर अतिरिक्त आदमनी अर्जित करे ब प्रोत्साहित करे जाथ हे।
इ कड़ी में पत्थलगांव विकासखण्ड के ग्राम कुमेकेला में मॉ दुर्गा महिला स्व सहायता समूह ह प्रशिक्षण ले के सेनेटरी पेड बनात हे। विकासखंड मुख्यालय ले 3 किलोमीटर दूरिहा में कुमेकेला गाँव हेवए। बिहान योजना के अंतर्गत ए ग्राम पंचायत में कुल 26 समूह गठित करे गय हे जेमा 2 ग्राम संगठन के निर्माण करे गय हे। गांव के मां दुर्गा स्व सहायता समूह के सब्बो महिला मन सप्ताहिक बैठक कर के बचत जमा करथे अउ बिहान योजना के तहत 15000 रुपिया चक्रीय निधि के राशि घलो पा गए हे अउ बैंक लोन लेके सेनेटरी पैड बांटे के बुता करथे जेमा कि गांव के महिला मन ल शिक्षित कर के कपड़ा के जघा म सेनेटरी पैड उपयोग करे ब प्रेरित करथे। लोन राशि ले अपन आजीविका ब सेनेटरी पेड सबंधी काम सुरू करिस अऊ समूह के कुल आय 20000 रूपिया हो गए हे। विकासखंड मुख्यालय में जतना भी आसपास गांव हे ऊहां जाके महिला मन ल सेनेटरी पैड उपयोग कर सुरक्षित रहे के सलाह देथे। आज के महिला मन में बहुत प्रकार के बीमारी होथे। ए प्रकार महिला मन के प्रति जागरूकता के काम करथे अउ महिला मन अपन आर्थिक स्थिति मजबूत करथे।