दुर्ग 07 जुलाई 2020/जिला म वृक्षारोपण अभियान के तहत आंगनबाड़ी केन्द्र म मुनगा के पौधा के रोपण अभियान ल जनप्रतिनिधी मन अउ जनसमुदाय के अढ़बढ़ सहयोग मिले हावे । आज पूरा जिला म वृक्षारोपण अभियान के तहत किसम किसम के पौधा के रोपण करे गे हावे। ये कार्यक्रम के तहत आंगनबाड़ी केन्द्र अउ कुपोषित लइका मन के के घरो घर म मुनगा के लगभग 11 हजार 700 पौधा के रोपण करे गे हावे । जिला म ये कार्यक्रम के शुभांरभ नगर निगम दुर्ग के महापौर श्री धीरज बाकलीवाल, मुख्य वन संरक्षक श्रीमती शालिनी रैना, जिला कलेक्टर डाॅ. सर्वेश्वर नरेन्द्र भूरे के उपस्थिति म बोरसी दुर्ग स्थित आदर्श आंगनबाड़ी केन्द्र म करे गे हावे । कार्यक्रम के दौरान वनमंडलाधिकारी दुर्ग श्री बढ़ई, जिला कार्यक्रम अधिकारी श्री विपिन जैन सहित बड़े संख्या म पार्षदगण, आम नागरिक अउ आंगनबाड़ी कार्यकर्ता मन अउ सहायिकाएं उपस्थित रिहिस ।
उल्लेखनीय हावे की मुख्यमंत्री श्री भूपेश बघेल के मंशा के अनुरूप दुर्ग जिला म कुपोषण मुक्ति विशेष अभियान के तहत आंगनबाड़ी कार्यकता मन अउ सहायिका मन के द्वारा स्व प्रेरणा से पौष्टिक पौधा मुनगा के लगभग दस हजार पौधा विगत दो माह ले तैयार करे जात रिहिस । ये पौधा ला आंगनबाड़ी केन्द्र अउ कुपोषित लइका अउ गर्भवती माता मन के घर म भी आज रोपित करे गिस हावे । उल्लेखनीय हावे कि कुपोषण मुुक्ति अभियान के तहत आयोजित ये मुनगा पौधा रोपण कार्यक्रम म जिला के विधायक, जिला पंचायत अध्यक्ष, महापौर अउ नगर पालिका अध्यक्ष, जनपद पंचायत अध्यक्ष मन के सहित जिला पंचायत सदस्य अउ दूसर जनप्रतिनिधी मन ह बढ़ चढ़कर के भाग लिस । श्रीमती शालिनी यादव, जिला पंचायत अध्यक्ष दुर्ग द्वारा ग्राम भेड़सर म, श्री अशोक साहू जिला पंचायत उपाध्यक्ष द्वारा ग्राम भनसूली म, श्रीमती दुर्गा कमेलश नेताम, सभापति महिला अउ बाल विकास विभाग, जिला पंचायत दुर्ग द्वारा पाटन म मुनगे के पौधा के रोपण करे गिस हावे । एखर आलावा सबो परियोजना कार्यालय मन अउ आंगनबाड़ी केन्द्र मन म स्थानीय जनप्रतिनिधी मन के सहभागिता ले जिला म मुनगक के पौधा के रोपण करे गे हावे । जिला कार्यक्रम अधिकारी श्री विपिन जैन द्वारा ग्राम अछोटी स्थित आंगनबाड़ी केन्द्र अउ कुपोषित लइका मन के घर जाके मुनगा के पौधा के रोपण करे गिस हावे । संपूर्ण जिला म अभियान म परियोजना अधिकारी पर्यवेक्षक, आंगनबाड़ी कार्यकता मन अउ सहायिका मन के महत्वपूर्ण भूमिका रहीस । एखर अलावा जिले म संचालित बाल संपे्रक्षण गृह, बालगृह, सखी वन स्टाॅप सेंटर सहित जिला कार्यालय म बहुत प्रकार के पौधा के रोपण करे गिस । ये दौरान समस्त कार्यालीन अधिकारी अउ कर्मचारी उपस्थित रहिस।
दुर्ग ले गुरतुर गोठ बर सोनू कुमार
