गंभीर कुपोषित नान्‍हे हेमन्त होइस सुपोषित

गौरेला पेंड्रा मरवाही, गौरेला पेंड्रा मरवाही जिला म महिला अऊ बाल विकास विभाग अऊ आंगनबाड़ी कार्यकर्ता मन के जमीनी स्तर म विशेष प्रयास ले जिला के कुपोषित लइका मन सुपोषित होवत हें। एकीकृत बाल विकास परियोजना मरवाही के सेक्टर रूमगा अन्तर्गत आंगनबाड़ी इंदिरा घर म वजन तिहार के तहत जुलाई 2021 म एक नान्‍हे लइका हेमन्त माता सुकमत जेन 7 महिना के उम्‍मर, वजन मात्र 5 किलोग्राम रहिस जेन कि गंभीर कुपोषण के श्रेणी मे रहिस। लइका ल सुपोषित करे बर आंगनबाड़ी कार्यकर्ता मन लइका के माता अऊ आन परिजन मन ले गृह-भेंट करत लइका ल हर दू घंटा म खिचड़ी, दलिया, सब्जी अऊ आंगनबाड़ी ले मिलईया रेडी टू ईट आदि पौष्टिक आहार खवाए अऊ मां ल स्तनपान नियमित रूप कराए ल कहिन। एखर संगेच मुख्यमंत्री सुपोषण अभियान के तहत महिना अकटूबर 2021 म जिला म आयुर्वेदिक सुपोषण मोदक के वितरण मध्यम अऊ गंभीर कुपोषित लइका मन बर शुरू होइस अऊ कार्यकर्ता मन ह गृहभेंट करके लइका ल रोजेच आधा लड्डू चूरा करके खवाए बर प्रेरित करिन। आंगनबाड़ी कार्यकर्ता कैलशिया बाई ह महिना नवंबर 2021 म लइका ल पोषण पुर्नवास केन्द्र म भर्ती कराइस। ए सबो उदीम के फलस्वरूप आज नान्‍हे हेमन्त जेन कि अभी हाल 1 साल 4 महिना के हो गए हे, ओखर वजन 9.1 किलोग्राम हे अऊ अब वो सामान्य श्रेणी म आ गए हे।