रायपुर। वरिष्ठ पत्रकार व प्रोफेसर बलदेव भाई शर्मा ल कुशाभाऊ ठाकरे पत्रकारिता विश्वविद्यालय के नवा कुलपति बनाए गए हे। बलदेव भाई शर्मा वर्तमान म हिमाचल प्रदेश के धर्मशाला म सेंट्रल यूनिवर्सिटी म पत्रकारिता विभाग के अध्यक्ष हे। राज्यपाल अनुसुईया उइके ह उमन ल नियुक्त कर दे हे। पत्रकारिता विवि के कुलपति ल लेके मामला दिसंबर ले पेंडिंग रहिस। येला लेके राज्यपाल व मुख्यमंत्री भूपेश बघेल के बीच कई बार चर्चा भी होय हे।
कोन हे बलदेव भाई शर्मा
6 अक्तूबर, 1955 के उत्तर प्रदेश के मथुरा जिला के गाँव पटलौनी (बल्देव) म जन्मे बलदेव भाई शर्मा पाछू चार दशक ले पत्रकारिता म सक्रिय हे। वो स्वदेश, दैनिक भास्कर, अमर उजाला, पाञ्चजन्य, अउ नेशनल दुनिया सहित कई अखबार अउ पत्रिका मन के संपादन करे हे। देश के लगभग सबो प्रमुख समाचार पत्र-पत्रिका मन म ज्वलंत राष्ट्रीय अउ सामाजिक मुद्दा म बलदेव भाई शर्मा के पाँच सौ ले ज्यादा विचारपरक आलेख प्रकाशित हे।
