- जिला पंचायत सीईओ ह मंत्री डॉ. डहरिया के हाथ ले लीन दान के राशन सामाग्री
- पांच किलो चांवल, दू किलो ऑटा, एक किलो दाल संग तेल-मसाला मन ले भरे हे पैकेट
रायपुर,12 अपरेल 2020। श्रम मंत्री डॉ. शिवकुमार डहरिया ह आज इहां अपन शासकीय निवास कार्यालय म “डोनेशन ऑन व्हील्स” के माध्यम ले एक हजार पैकैट राशन सामाग्री अपन डहर ले गरीब अउर जरुरतमंद मन बर दान करिन। जिला पंचायत रायपुर के मुख्य कार्यपालन अधिकारी श्री गौरव कुमार सिंह ह मंत्री डॉ. डहरिया के हाथ ले दान के राशन सामाग्री झोंकिन। श्री सिंह ह विशेष वाहन ले राशन सामाग्री जिला प्रशासन के निरधारित स्थल म रवाना करिन। गरीब अउ जरुरतमंद मन बर देहे गए राशन सामाग्री के एक पैकेट म पांच किलो चांवल, दू किलो ऑटा, एक किलो दाल संग तेल-मसाला अऊ आन राशन सामाग्री सामिल हे।