नगर निगम रायपुर क्षेत्र के जरूरतमंद मन ल बांटे जाही छाछ
रायपुर, 15 अप्रैल 2020। नगरीय प्रशासन अऊ श्रम मंत्री डॉ. शिवकुमार डहरिया ह आज इहां अपन निवास कार्यालय ले गरीब अऊ जरूरतमंद मन बर 35 हजार मसाला छाछ के पैकेट ले भरे गाड़ी ल हरी झण्डी देखाके रवाना करिन। जानबा हे के कोरोना वायरस (कोविड-19) के संक्रमण के रोकथाम बर लॉकडाउन म उत्पन्न परिस्थिति मन के सेती कई जगा, कारखाना क्षेत्र मन म संकटग्रस्त श्रमिक, गरीब अउ जरूरतमंद मन बर जिला प्रशासन के पहल म डोनेशन ऑन व्हील्स के माध्यम ले गरीब मन अऊ जरूरतमंद मन ल भोजन, राशन, साग-सब्जी संग आन जरूरी सामान के तात्कालिक व्यवस्था करे जात हे। इही कड़ी म नगर निगम रायपुर के सभापति श्री प्रमोद दुबे के प्रयास ले श्री सुभम अग्रवाल अउ श्री बाकर अब्बास कोति ले प्रदान 35 हजार पैकेट मसाला छाछ दान करे गीस। इही ल नगर निगम क्षेत्र रायपुर के जरूरतमंद मन ल जिला प्रशासन के माध्यम ले मसाला छाछ वितरित करे जाही।
