जांजगीर-चांपा जिला प्रशासन कोति ले स्वास्थ्य परीक्षण अऊ भोजन कराए के बाद उंकर गृह ग्राम पहुंचाए गीस
जांजगीर-चांपा 27 अप्रैल 2020। कलेक्टर श्री जनक प्रसाद पाठक के मार्गनिर्देशन म लाकडाउन म फंसे श्रमिक मन के हरसंभव मदद करे जात हे। सनिच्चर 25 अप्रैल के जबलपुर ले 8 मजदूर पैदल रेंगत जांजगीर जिला पहुंचे रहिन। ओ मन ल खोखरा तिर नेशनल हाई-वे म रोकके उंखर स्वास्थ्य परीक्षण कराए गीस। सबो ल जेवन कराए गीस एखर बाद ओ मन ल वाहन के व्यवस्था करके ऊंखर गृह ग्राम बड़े रवेली अउ मालखरौदा पहुंचाए गीस। अइसनहे बिलासपुर ले 7 मजदूर तीन लइका मन इहां पैदल आवत रहिन। सूचना मिलतेच ओ मन ल अर्जुनी-अकलतरा तीर रोके गीस। उंखर स्वास्थ्य परीक्षण करके ओ मन ल जेवन करा के वाहन के व्यवस्था करके ऊंखर गृह ग्राम उदयबंद, सुकली, महंत बुड़ेन अऊ चोरिया पहुंचाए के व्यवस्था करे गीस। रायगढ़, जशपुर, कांकेर ( भानुप्रतापुर) संग कई जिला के मनखे जऊन लाकडाउन के सेती जांजगीर चांपा जिला के कई राहत शिविर म रूके रहिन उंखर घलोक स्वास्थ्य परीक्षण करके वाहन ले ऊंखर गृह ग्राम भेजे कार्रवाई करे गीस।
