आरंग अउ पाटन म श्रमिक सहायता केन्द्र के होही शुभारंभ
साईंस कॉलेज म आयोजित होही श्रम सम्मेलन
रायपुर, नेहा राठौर के खबर/ अंतर्राष्ट्रीय श्रमिक दिवस 01 मई के अवसर म राजधानी रायपुर के साइंस कॉलेज मैदान म श्रमिक सम्मेलन के आयोजन करे जाथ हे। ए सम्मेलन म मुख्यमंत्री श्री भूपेश बघेल मुख्य अतिथि के रूप म संघरहि। कार्यक्रम के अध्यक्षता श्रम मंत्री डॉ. शिव कुमार डहरिया ह करही। ए मउका म मुख्यमंत्री श्री बघेल लगभग एक लाख श्रमिक मन ल अलग अलग कई ठ योजना के अंतर्गत 47.12 करोड़ रूपिया के राशि डीबीटी के माध्यम ले ओमन के बैंक खाता म डारही अउ आरंग संग पाटन म श्रमिक सहायता केन्द्र के शुभारंभ तको करही।
साइंस कॉलेज मैदान म आयोजित करे वाले श्रम सम्मेलन म प्रदेश के आने आने जिला ले श्रमिक मन ह आही। ए सम्मेलन म श्रम विभाग कोती के श्रमिक कल्याण ब चलाए जाए वाले योजना मन ले लाभांवित हितग्राहि मन के सम्मान तको करे जाही। छत्तीसगढ़ के विकास म श्रमिक मन के महत्वपूर्ण भूमिका होए के सेती मुख्यमंत्री श्री बघेल की मंशा के अनुरूप श्रमिक दिवस के दिन श्रम के प्रति कृतज्ञता प्रकट करे ब प्रदेश म बोरे-बासी तिहार के तको आयोजन करे जाथ हे।
श्रम विभाग ले मिले जानकारी के अनुसार श्रम सम्मेलन म छत्तीसगढ़ भवन अउ आने सन्निर्माण कर्मकार कल्याण मंडल अतर्गत 83086 हितग्राहि मन ल 22.76 करोड़ रूपिया छत्तीसगढ़ असंगठित कर्मकार राज्य सामाजिक मंडल अंतर्गत 11542 हितग्राहि मन ल 20.83 करोड़ रूपिया, छत्तीसगढ़ श्रम कल्याण मंडल अतर्गत 6457 हितग्राहि मन ल 3.09 करोड़ रूपिया अउ कर्मचारी राज्य बीमा सेवा अंतर्गत 50 बीमित व्यक्ति ल चिकित्सा हितलाभ राशि 44.55 लाख रूपिया। इही प्रकार ले कुल 101135 हितग्राहि मन के बैंक खाता म डीबीटी के माध्यम ले 47.12 करोड़ रूपिया के राशि अंतरित करे जाही।
श्रम दिवस म होही श्रमवीर के सम्मान :मुख्यमंत्री कई प्रकार के योजना के अंतर्गत 47.12 करोड़ रूपिया के राशि श्रमिक मन के बैंक खाता म करही अंतरण
