श्रम विभाग के अंतर्गत कई ठन शासकीय योजना मन के माध्यम ले प्रवासी श्रमिक मन ल मिलत हे मदद

कोरिया, जिला म कई ठन शासकीय योजना मन के माध्यम ले प्रवासी श्रमिक मन के सहायता करे जात हे। इही कडी म श्रम विभाग के अंतर्गत मुख्यमंत्री निर्माण श्रमिक मृत्यु अउ दिव्यांग सहायता राशि योजना के तहत पंजीकृत प्रवासी श्रमिक विकासखण्ड मनेन्द्रगढ़ के ग्राम बुंदेली निवासी नैनतारा के निधन होए म वोखर उत्तराधिकारी पति श्री इन्द्रजीत ल एक लाख रूपिया के सहायता राशि प्रदान करे गीस।
श्रम पदाधिकारी ह ये जानकारी देवत बताइस कि श्रम विभाग कोति ले संचालित छत्तीसगढ़ भवन अउ अन्‍य सन्निर्माण कर्मकार कल्याण मण्डल के अंतर्गत मुख्यमंत्री निर्माण श्रमिक मृत्यु अउ दिव्यांग सहायता योजना के संचालन करे जात हे। वोकर बताती, मण्डल के अंतर्गत 256 पंजीकृत प्रवासी श्रमिक मन म मुख्यमंत्री निर्माण श्रमिक मृत्यु अउ दिव्यांग सहायता राशि योजना म 2 श्रमिक ल 2 लाख रूपिया अउ भगिनी प्रसूति सहायता योजना के अतंर्गत एक श्रमिक ल 5 हजार रुपिया के राशि हस्तांतरित करे गए हे।
अइसनहे छत्तीसगढ़ असंगठित कर्मकार राज्य सामाजिक सुरक्षा मण्डल के अंतर्गत 582 पंजीकृत प्रवासी श्रमिक मन म असंगठित कर्मकार प्रसूति सहायता योजना म 15 श्रमिक मन ल 1 लाख 50 हजार, ठेका श्रमिक घरेलू महिला कामगार अउ हमाल श्रमिक प्रसूति सहायता योजना म 3 श्रमिक मन ल 30 हजार रूपिया के सहायता करे गए हे। इही कड़ी म कचरा बीनइया श्रमिक मन के सुरक्षा बर सुरक्षा उपकरण सहायता योजना के अंतर्गत 2 श्रमिक ल सुरक्षा उपकरण किट अऊ मुख्यमंत्री असंगठित कर्मकार सायकल सहायता योजना म एक श्रमिक ल सायकल प्रदाय करके सहायता देहे गए हे।