- भानुप्रतापपुर म 134 किसान मन ह सीखिन लाख पालन के बारीकी
- कटघोरा म 23 जून अऊ अम्बिकापुर म 25 जून ले दू दिन के लाख पालन के प्रशिक्षण
- पूर्व प्रधान वैज्ञानिक श्री जायसवाल ह देवत हे प्रशिक्षण
रायपुर, छत्तीसगढ़ राज्य लघु वनोपज संघ कोति ले 26 जून तक लाख पालन बर वृत्त स्तरीय प्रशिक्षण कार्यक्रम के आयोजन करे जात हे। एखर तहत 20 ले 21 जून तक भानुप्रतापुर म प्रशिक्षण कार्यक्रम आयोजित करे गीस। कटघोरा म 23 ले 24 जून तक कुसुमी लाख पालन अऊ 25 ले 26 जून तक अम्बिकापुर म रंगीनी लाख पालन के संबंध म लाख पालक किसान मन ल प्रशिक्षण दे जाही।
वन अउ जलवायु बदलाव मंत्री श्री मोहम्मद अकबर के मार्गदर्शन म भानुप्रतापपुर म 20 जून ले आायोजित करे गए प्रशिक्षण कार्यक्रम म गरियाबंद, कोण्डागांव, कांकेर, पूर्व भानुप्रतापपुर, पश्चिम भानुप्रतापपुर, नारायणपुर, जगदलपुर, बीजापुर अऊ सुकमा वन मंडल के लाख पालक किसान अऊ संबंधित स्व-सहायता समूह के सदस्य मन ह भाग लीन। अइसनहे प्रशिक्षण स्थल कटघोरा म कोरबा, कटघोरा, धमरजयगढ़, रायगढ़, जशपुर, रामपुर, कवर्धा अऊ बिलासपुर अऊ प्रशिक्षण स्थल अम्बिकापुर म कोरिया, मनेन्द्रगढ़, बलरामपुर, सूरजपुर, सरगुजा, मरवाही अऊ कटघोरा के लाख पालक किसान मन सामिल होंही। लाख पालन के प्रशिक्षण पूर्व प्रधान वैज्ञानिक (आईसीएआर-आईआईएनआरजी) रांची-झाराखंड के श्री ए.के. जायसवाल ह देवत हे।
जिला यूनियन भानुप्रतापपुर म आयोजित वृत्त स्तरीय लाख पालन प्रशिक्षण कार्यक्रम म जगदलपुर, कांकेर वृत्त अउर खैरागढ़ जिला यूनियन के 134 प्रशिक्षणार्थी ह भाग लीन। जेमां लाख पालक कृषक, स्वसहायता समूह, इंटर्न, सीनियर, जूनियर एग्जीक्यूटिव सामिल रहिन। डॉ. ए. के. जायसवाल ह पहिली सत्र म सैद्धांतिक प्रशिक्षण अउ दूसर सत्र म ग्राम पंडरीपानी म प्रायोगिक प्रशिक्षण जइसे कुसुम वृक्ष के प्रूनिंग, बिहन लाख बांधना, दवाई छिड़काव अउ किसान मन ल ऋण प्रदाय आदि के सम्बन्ध म प्रशिक्षण देहे गीस। संगेच पंडरी पानी ग्राम म स्थानीय कृषक अउ प्रशिक्षणार्थी मन ले ऊंखर अनुभव सुने के बाद लाख पालन म ओ मन ल होवत समस्या, बाधा मन के निराकरण करे गीस।