बेमेतरा, 27 अप्रैल 2020। लाकडाउन के सेती थमे जल संसाधन विभाग के योजना मन लाकडाउन के दूसर चरण म कोरोना संक्रमण ले बचाव बर सशर्त अनुमति मिलतेच सुरू हो गए हे। बेमेतरा जिला के अंतर्गत साजा विधानसभा के गब्दी व्यपवर्तन योजना, नर्बदा व्यपवर्तन योजना, झिपनिया व्यपवर्तन योजना, अकलवारा एनीकट, बेमेतरा विधानसभा के अंतर्गत मरजादपुर जलाशय के नहर के रिमाडलिंग अउ लाईनिंग के काम, देवरबीजा पिकअप वियर, शिवनाथ उद्वहन सिंचाई योजना के नहर के निस्तारीकरण अऊ लाईनिंग काम अऊ नवागढ़ विधानसभा अंतर्गत छुईया नाला बाढ़ नियंत्रण, नांदल-खैरी एनीकट, टेमरी उद्वहन सिंचाई योजना के नहर काम अउ चक्रवाय-तुमा बाढ़ नियंत्रण तट सुरक्षा के काम चालू कर देहे गए हे।
बेमेतरा जिला के ए सिंचाई परियोजना मन के काम पूरा होए ले खरीफ सीजन म अभी हाल सिंचाई के अकतहा सिंचाई रकबा म बढ़ोतरी होही अउ एनीकट मन के निर्माण भू-जल संवर्धन, निस्तारी अउ नदी के दूनों पार म किसान अपन साधन ले सब्जी अउ फसल ले सकहीं। बाढ़ नियंत्रण काम ले नदी अउ नाला मन के कटाव ल रोके जा सकही, जेखर से ग्राम अउ शहर सुरक्षित रइहीं। ये योजना मन के चालू होए ले गांव वाले मन म हर्ष व्याप्त हे।
