आरोप हे के इमन अंजली राणे मन ल भका-भक पीटे रहिन
रायपुर, पुलिस ह लेडी गैंग ल गिरफ्तार करे हे। जानबा हे के अंजली राणे के अरजी म थाना मौदहा पारा म मुश्कान रात्रे, मीरा रात्रे, सुनीता रकसेल अऊ नाबालिग बालिका के खिलाप केस दरज करे हे। आरोप हे के स्वीपर मोहल्ला के रहवईया ए आरोपिया मन काली 18 तारिक के जुन्ना विवाद म गाली गलौज करिन अऊ अरजी देवईया ल भका-भक पीटिन, मारपीट करके ब्लेड ले अरजी देवईया अऊ आन मनखे मन उपर वार करे रहिन।
अंजली राणे के रिपोर्ट –
मैं तालाब पार रजबंधा मैदान मौदहापारा रायपुर मे रहिथंव, बी.ए. दूसरईया सल के पढ़ई करत हंव संगेच प्रतियोगी परीक्षा के तैयारी तको करत हंव, 18 तारीक के मैं अपनी नानी प्रमिला रक्सेल के घर स्वीपर कालोनी म होले खेले आए रहेंव, मंझनिया 3 बजे के लगभग मैं अपन आंटी मोहनी खान अऊ वोकर लड़का अमन खान के संग होली खेलके अपन घर वापस जात रहेंव, अंजु धोबी के घर के तिर पहुंचे रहेंव तभे पुराना विवाद ल लेके मुस्कान रात्रे अऊ वोकर मां मीरा रात्रे, वोकर बहिनी रोशनी रात्रे, वोकर मामी सुनीता रक्सेल हमन संग वाद विवाद करके मां बहिनी के गंदा गंदा गारी देत हमन ल जान से मारे के धमकी देत मोला पकड़के मोर कपड़ा ल चीथ के चीरे लगिन म मोर आंटी मोहनी खान अऊ वोकर लड़का अमन बीच बचाव करिस त मोला अऊ मोर आंटी मोहनी खान ल मुस्कान रात्रे अपन हाथ में रखे ब्लेड ले मोर अऊ मोर आंटी मोहनी खान के चेहरा उपर वार करिस जेकर से मोर डेरी कोति के गाल म चोट आए हे अऊ मोर आंटी के छाती म चोट आए हे। घटना ल हर्ष कोसले अऊ आस पास मोहल्ला के मनखे मन देखे सुने हें। रिपोर्ट करत हंव, कार्यवाही चाहथंव। रिपोर्ट पढ़के देखेंव मोर बताये मुताबिक लिखे गए हे।
ये बात म थाना मौदहा पारा म आईपीसी के धारा 294, 323, 324, 506, 34 के तहत मामला पंजीबध करे गए हे। प्रकरण के तीन आरोपिया अऊ एक नाबालिग बालिका ल गिरफ़्तार करके रिमांड म भेजे गए हे।
