- राज्य सरकार ह वनवासी मन के हित म ले अहम् फैसला
- भूपेश सरकार ह दू साल म समर्थन मूल्य म खरीदी बर लघुवनोपज मन के संख्या 7 ले बढ़ा के 52 करिस
रायपुर, 5 दिसम्बर 2020। मुख्यमंत्री श्री भूपेश बघेल के मंशा के मुताबिक प्रदेश के वनवासी मन के हित ल ध्यान म रखत राज्य सरकार ह छत्तीसगढ़ म 31 ले बढ़ा के 38 लघु वनोपज मन के खरीदी समर्थन मूल्य म करे के संगे-संग संघ कोति ले निरधारित समर्थन मूल्य के अंतर्गत 14 लघु वनोपज मन के खरीदी के अहम निर्णय ले गए हे। वन मंत्री श्री मोहम्मद अकबर ह बताइस के अइसनहे छत्तीसगढ़ म लगभग दू साल म समर्थन मूल्य म खरीदी बर लघु वनोपज मन के संख्या 7 ले बढ़ा के 52 कर दे गए हे।
जानबा हे के राज्य सरकार ह छत्तीसगढ़ म निरधारित समर्थन मूल्य के तहत 31 ले बढ़ाए गे 38 लघु वनोपज मन म ले 7 नवा लघु वनोपज कुसुमी बीज, रीठा फल (सूखा), शिकाकाई फल्ली (सूखा), सतावर जड (सूखा), काजू गुठली, मालकांगनी बीज अऊ माहुल पत्ता ल सामिल करे गए हे। निरधारित समर्थन मूल्य के अनुसार एमां कुसुमी बीज 23 रूपिया, रीठा फल (सूखा) 14 रूपिया, शिकाकाई फल्ली (सूखा) 50 रूपिया, सतावर जड (सूखा) 107 रूपए़, काजू गुठली 90 रूपिया, मालकांगनी बीज 100 रूपिया अऊ माहुल पत्ता 15 रूपिया प्रति किलोग्राम के दर म खरीदी करे जाही। अइसनहे संघ ह समर्थन मूल्य म 14 लघु वनोपज मन म पलास (फूल), सफेद मूसली (सूखा), इंद्रजौ, पताल कुम्हड़ा, कुटज, अश्वगंधा, आंवला (कच्चा), सवई घास, कांटा झाडू, तिखुर, बीहन लाख-कुसुमी, बीहन लाख-रंगीनी, बेल (कच्चा) अउर जामुन (कच्चा) के खरीदी करे जाही।
छत्तीसगढ़ राज्य लघु वनोपज संघ ले मिले जानकारी अनुसार संघ कोति ले समर्थन मूल्य के अंतर्गत पलास (फूल) के खरीदी प्रति कुंटल 1000 रूपिया के दर म करे जाही। अइसनहे सफेद मूसली (सूखा) 65 हजार रूपिया, इंद्रजौ 15 हजार रूपिया, पताल कुम्हड़ा 3 हजार रूपिया अऊ कुटज (छाल) एक हजार 100 रूपिया प्रति कुंटल के दर म खरीदी करे जाही। एखर अलावा अश्वगंधा 32 हजार 500 रूपिया, आंवला कच्चा 2 हजार 800 रूपिया, सवई घास एक हजार 400 रूपिया अऊ कांटा झाडू 2 हजार 300 रूपिया प्रति कुंटल के दर म खरीदी करे जाही। अइसनहे तिखुर प्रति कुंटल 2 हजार 500 रूपिया, बीहन लाख-कुसमी प्रति कुंटल 30 हजार रूपिया अउर बीहन लाख-रंगीनी प्रति कुंटल 22 हजार रूपिया के दर म क्रय करे जाही। एखर अलावा बेल (कच्चा) एक हजार रूपिया अउर जामुन (कच्चा) 2 हजार 300 रूपिया प्रति कुंटल के दर म खरीदी करे जाही।
छत्तीसगढ़ राज्य म एखर पहिली 31 लघु वनोपज मन म साल बीज, हर्रा, ईमली बीज संग, चिरौंजी गुठली, महुआ बीज, कुसुमी लाख, रंगीनी लाख, काल मेघ, बहेड़ा, नागरमोथा, कुल्लू गोंद, पुवाड़, बेल गुदा, शहद अउर फूल झाडू, महुआ फूल (सूखा) के खरीदी होत रहिस। एखर अलावा जामुन बीज (सूखा), कौंच बीज, धवई फूल (सूखा), करंज बीज, बायबडिंग अऊ आंवला (बीज सहित) अउर फूल ईमली (बीज रहित), गिलोय अउर भेलवा, वन तुलसी बीज, वन जीरा बीज, इमली बीज, बहेड़ा कचरिया, हर्रा कचरिया अउर नीम बीज के खरीदी होत रहिस। राज्य सरकार ह कुसुमी लाख, रंगीनी लाख अऊ कुल्लू गोंद के खरीदी म समर्थन मूल्य के अलावा अकतहा प्रोत्साहन राशि घलोक देहे जात हे।