रइपुर, 04 अप्रैल 2021 इतवार। मुख्यमंत्री दाउ भूपेश बघेल के मंशा के अनुरूप वन अउ जलवायु परिवर्तन मंत्री श्री मोहम्मद अकबर के कुशल मार्गदर्शन म वनवासी मन के उत्थान खातिर कईयो अकन योजना संचालित हवयं। एकर फलस्वरूप छत्तीसगढ़ म बछर 2020-21 म लघु वनोपज मन के संग्रहण अउ प्रसंस्करण आदि काम मन ले लोगन मन ल 3 करोड़ मानव दिवस के रोजगार उपलब्ध होइस हावय। एमा लघु वनोपज संग्राहक मन के संगे —सग आदिवासी-वनवासी मन ल 200 रूपिया रोजी के हिसाब ले 600 करोड़ रूपिया के राशि के पारिश्रमिक वितरण करे गे हे।
एकर तहत वितरित पारिश्रमिक म तेंदूपत्ता संग्रहण के अंतर्गत 400 करोड़ रूपिया अउ तेंदूपत्ता उपचारण अए गोदामीकरण म 40 करोड़ रूपिया के राशि शामिल हवय। इही किसम ले प्रबंध संचालक राज्य लघु वनोपज संघ श्री संजय शुक्ला ह बताइन कि बछर 2020-21 के दौरान लघु वनोपज संग्रहण म 140 करोड़ रूपिया अउ लघु वनोपज उपचारण अउ गोदामीकरण म 14 करोड़ रूपिया के पारिश्रमिक राशि वितरित करे गे हवय। एकर छोड़ लघु वनोपज के प्राथमिक प्रसंस्करण काम म 2 करोड़ रूपिया अउ आने काम मन के अंतर्गत 4 करोड़ रूपिया के पारिश्रमिक राशि के भुगतान करे गे हे।
जानबा होवय कि राज्य म वर्तमान म 52 लघु वनोपज मन के खरीदी न्यूनतम समर्थन मूल्य म करे जावत हे। ये 52 लघु वनोपज मन म साल बीजा, हर्रा, अमली बीज सहित, चिरौंजी गुठलु, महुआ बीजा, कुसुमी लाख, रंगीनी लाख, काल मेघ, बहेड़ा, नागरमोथा, कुल्लू गोंद, पुवाड़, बेल गुदा, मंदरस (शहद) अउ फूल झाडू, महुआ फूल (सूक्खा) जामुन बीज (सूक्खा), कौंच बीज, धवई फूल (सूक्खा), करंज बीजा, बायबिडंग अउ आंवला (बीजा सहित) अउ फूल अमली (बीजा रहित), गिलोय अउ भेलवा, वन तुलसी बीजा, वन जीरा बीजा, अमली बीजा, बहेड़ा कचरिया, हर्रा कचरिया नीम बीज, कुसुमी बीज, रीठा फल (सूक्खा), शिकाकाई फल्ली (सूक्खा), सतावर जड (सूक्खा), काजू गुठली, मालकांगनी बीजा अउ माहुल पत्ता शामिल हवय।
इन्कर छोड़ परसा (पलास फूल), सफेद मूसली (सूक्खा), इंद्रजौ, पताल कुम्हड़ा, कुटज (छाल), अश्वगंधा, आंवला कच्चा, सवई घास, कांटा झाडू, तिखुर, बीहन लाख-कुसमी, बीहन लाख-रंगीनी, बेल (कच्चा), इए जामुन (कच्चा) शामिल हवय। राज्य सरकार डाहरर ले कुसुमी लाख, रंगीनी लाख अउ कुल्लू गोंद के खरीदी म समर्थन मूल्य के अलावा अतिरिक्त प्रोत्साहन राशि तको देहे जावत हवय।
