लैलूंगा, मुख्यमंत्री श्री भूपेश बघेल आज अपन भेंट मुलाकात अभियान के समय रायगढ़ जिला के लैलूंगा विधानसभा के ग्राम राजपुर पहुंचिन। उमन इहां श्री जगन्नाथ मंदिर म भगवान जगन्नाथ, बलभद्र अऊ माता सुभद्रा के विधिवत पूजा अर्चना करके प्रदेशवासी मन के सुख-समृद्धि अऊ खुशहाली के कामना करिन। मुख्यमंत्री श्री बघेल मंदिर प्रांगण म आयोजित श्रीमद भागवत महापुराण ज्ञान यज्ञ सप्ताह म घलोक सामिल होइन। व्यासपीठ म बइठे कथावाचक पंडित तारेंन्द्र कृष्ण जी महाराज ह मुख्यमंत्री श्री बघेल के शाल श्रीफल ले सम्मान करिन। ये बेरा म स्कूल शिक्षा मंत्री डॉ. प्रेमसाय सिंह टेकाम, विधायक श्री चक्रधर सिंह सिदार घलोक उपस्थित रहिन।
मुख्यमंत्री ह श्री जगन्नाथ मंदिर म पूजा-अर्चना करके प्रदेशवासी मन के सुख-समृद्धि के कामना करिन
