छत्तीसगढ़ म लाख उत्पादक किसान मन ल घलोक अब अल्पकालीन कृषि ऋण अऊ ब्याज अनुदान के लाभ : मुख्यमंत्री श्री भूपेश बघेल के घोषणा उपर अमल

रायपुर, 13 फरवरी 2021। मुख्यमंत्री श्री भूपेश बघेल के घोषणा के मुताबिक छत्तीसगढ़ म लाख उत्पादन ल कृषि के दर्जा मिले हे। राज्य शासन कोति ले लाख उत्पादक किसान मन अऊ किसान-समूह मन ल घलोक कृषि फसल के जइसे अल्पकालीन कृषि ऋण अऊ ऋण म नियमानुसार ब्याज अनुदान ले लाभान्वित करे के आदेश जारी कर देहे गए हे।
कृषि विकास अऊ किसान कल्याण अऊ जैव प्रौद्योगिकी विभाग के संयुक्त सचिव कोति ले ये संबंध म जारी आदेश म कहे गए हे कि कुसुम, पलाश, बेर आदि वृक्ष अऊ सेमियालता आदि फसल मन म लाख उत्पादन अऊ प्राथमिक प्रसंस्करण बर कृषक या कृषक समूह मन ल कृषि फसल के जइसे अल्पकालीन कृषि ऋण निरधारित ऋणमान म प्रदान करे जाही। ओ मन ल अल्पकालीन कृषिऋण म नियमानुसार ब्याज अनुदान घलोक देय होही।