कोरबा, 02 फरवरी 2024। प्रदेश के वाणिज्य उद्योग व श्रम मंत्री श्री लखन लाल देवांगन ह कोरबा प्रवास के समय आज कलेक्टोरेट कार्यालय म 4 करोड़ ले जादा के लागत ले नवनिर्मित सभाकक्ष के शुभारंभ करिन। संगेच परिसर म छत्तीसगढ़ महतारी अउ मां भगवती के फोटू म दीया बार के अउ माल्यार्पण करके नमन करिन। कैबिनेट मंत्री श्री देवांगन ह नवनिर्मित सभाकक्ष परिसर के पूरा अवलोकन करके सबो सुविधा मन के जानकारी लीन। ए बेरा म विधायक कटघोरा श्री प्रेमचंद पटेल, विधायक रामपुर श्री फूलसिंह राठिया, जिला पंचायत अध्यक्ष श्रीमती शिवकला छत्रपाल सिंह कंवर, महापौर श्री राजकिशोर प्रसाद, कलेक्टर श्री अजीत वसंत, पुलिस अधीक्षक श्री जितेन्द्र शुक्ला, सीईओ जिला पंचायत श्री संबित मिश्रा, निगमायुक्त सुश्री प्रतिष्ठा ममगाई, संग आन अधिकारी उपस्थित रहिन।
मंत्री श्री देवांगन ह जिला कार्यालय के नवनिर्मित सभाकक्ष के करिन शुभारंभ
