बिहान समूह ले मिलीस नवा पहिचान
प्रधानमंत्री मुद्रा लोन ले शुरू करिस ईंटा बनाए के काम, सालाना दू लाख रुपिया तक के होवत हे आमदनी
जशपुर, मुख्यमंत्री श्री विष्णुदेव साय के जइसे सोंचथे ओइसनहे छत्तीसगढ़ राज्य म महिला मन ल आत्मनिर्भर बनाए के दिशा म ‘‘बिहान‘‘ योजना के तहत उल्लेखनीय काम होवत हे। राष्ट्रीय ग्रामीण आजीविका मिशन के अंतर्गत जशपुर जिला के महिला मन ल स्व-सहायता समूह मन ले जोड़े गए हे, जेखर से ओ मन आर्थिक रूप ले सशक्त होके अपन अऊ अपन परिवार के जीवन म सकारात्मक बदलाव लावत हें।
इही क्रम म जशपुर जिला के मनोरा विकासखंड के ग्राम चड़िया के सरिता बाई आज लखपति दीदी बने के राह म हे। वो ह ‘‘बिहान‘‘ योजना ले जुड़के पहिली सीएलएफ के माध्यम ले सीएफ राशि प्राप्त करिस, अऊ बाद म प्रधानमंत्री मुद्रा लोन योजना के तहत जशपुर के बड़ौदा बैंक ले एक लाख रुपिया के ऋण लेके ईंटा बनाए के काम शुरू करिस।
सरिता बाई बताथे के समूह म सामिल होए के पहिली ओ ह आर्थिक रूप ले अड़बड़ कमजोर रहिस। घर के चारदीवारी तक सीमित जीवन म बदलाव तब आइस, जब वो ह स्व-सहायता समूह ले जुड़े के निर्णय लीस। समूह ले ओ ल नइ केवल शासन के योजना मन के जानकारी मिलीस, बल्कि आर्थिक सहयोग घलोक प्राप्त होइस।
ईंटा बनाए के काम के शुरुआत वो ह समूह ले 60 हजार रुपिया जोड़के करिस। अभी हाल म ओ ह कुल 1.6 लाख रुपिया के निवेश ले 70 हजार ईंटा बनाए हे। प्रधानमंत्री आवास योजना संग आन निर्माण काम मन के चलते ईंटा के बाढ़त मांग के लाभ ओ ल मिलत हे। ओ बतात हे के ए काम ले ओ ल सालाना दू लाख रुपिया तक के आमदनी होवत हे। सरिता ह ये घलोक बताइस के मुद्रा लोन लेहे के पहिली ओ ल साधन संस्था कोति ले जरूरी प्रशिक्षण घलोक प्रदान करे गए रहिन, जेखर से काम संचालन म ओ ल कोनो कठिनाई झन होवय। ओ पाछू तीन बछर ले ये व्यवसाय सफलता से करत हे अऊ अब अपन व्यवसाय ल अऊ विस्तार देहे के योजना बनावत हे। सरिता बाई के ये सफलता न केवल वोखर मेहनत के परिणाम हे, बल्कि ये शासन के योजना मन के सही दिशा म क्रियान्वयन अऊ महिला सशक्तिकरण के मिसाल घलोक ये।
नोट: डीपीआर के द्वारा बहुत कम रेज्यूल्यूशन का फोटो उपलब्ध कराया गया है इस लिए छोटा फोटो प्रकाशित किया जा रहा है।
